ANTONIO VEIGA CONSIDERA “UNHA VERGOÑA AS CASETAS DE OBRA ONDE PRESTAN DETERMINADOS SERVIZOS MÉDICOS NO HOSPITAL DA COSTA”
Os nacionalistas afirman que só se lle subministrará unha botella de auga ao día aos doentes hospitalizados
O BNG informa que Hospital da Costa só cambiará a colcha da cama unha vez a semana
A Mariña, 1 de xuño de 2012. O Bloque Nacionalista Galego sumouse na xornada de hoxe ás críticas que diferentes colectivos sociais da comarca están a facer respecto ao funcionamento do Hospital da Costa, aos problemas de funcionamento derivados do recorte do investimento sanitario e da ineficacia da xestión e tamén para expresar o seu apoio a mobilización a celebrar en Compostela o vindeiro domingo onde as diferentes Plataformas Sanitarias da Mariña demandaran un cambio de rumbo nas políticas da Xunta de Galiza.
Antonio Veiga, responsábel comarcal do BNG, definiu de “auténtica vergoña as casetas de obra que está a utilizar o Hospital da Costa para prestar determinados servizos, casetas de obra que alén doutras consideración sobre a súa ideonidade para a función que lle encomendan, evidencian que o Hospital da Costa fica pequeno como temos denunciado en múltiples ocasións, vive ao borde do colapso pola falta de espazo, e xa que logo precisaría dunha ampliación. Así e todo os pendellos que ven de colocar a actual equipa directiva do Hospital, supoñemos co consentimento do SERGAS, son a proba do algodón que a sanidade publica non é unha prioridade para o PP e estamos no camiño de desmantelamento do centro de Burela”.
O portavoz comarcal do BNG afirmou que “estes feitos non se poden desvincular das recentes decisións adoptadas pola dirección do Hospital, no que eles chaman recorte do gasto e que se concretan nunha orde na que se recolle en que aos doentes só se lle subministrará unha botella de auga ao día, na supresión do Kit de ingreso para as persoas sen recursos e que a colcha da cama só se cambiará unha vez á semana, algo que choca cun principio básico das prácticas hospitalarias para combater as infeccións”.
“Chove sobre mollado” destacou Veiga quen lembrou que “recentemente a propia Consellaría de Sanidade acordou fechar na tempada de verao 30 das 140 camas do Hospital o que supón case un 18% e sitúa ao centro hospitalario da Mariña á cabeza da redución de camas no conxunto do sistema sanitario galego. Situase fora de toda lóxica que o centro de Burela reduza a súa cobertura no período estival, por ser este un momento no que a poboación se multiplica por tres na Comarca e na que precisamente o que sería necesario é reforzar a atención sanitaria xa que a experiencia doutros anos deixa claro que é nestas datas cando se colapsan os servizos sanitarios na zona, tanto en atención primaria como en atención especializada”.
O responsábel comarcal do BNG indicou que “non temos dúbida algunha que todas estas decisión van na dirección de deteriorar a calidade asistencial no Hospital da Costa, na perspectiva do desmantelamento, na dupla dirección de avanzar na centralización dos servizos de atención especializada en Lugo como de continuar derivando pacientes a privada co fin de deteriorar o sistema público, algo lóxico desde a perspectiva dunha forza política que entende a sanidade como un negocio. Neste sentido debemos explicar a decisión da Consellaría de deixar ao Hospital da Costa sen unidade móbil para a detección temperá do cancro de mama”.
Xa por último o portavoz do BNG convidou e animou a todos os veciños da Mariña a participar da mobilización convocada o domingo en Compostela, “xa que facer da do Domingo unha grande mobilización na defensa dos servizos públicos é o camiño para paralizar as intencións do PP respecto do Hospital da Costa”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
