O goberno local considera que a falsa preocupación do PSOE polos socorristas sobrepasa o cinismo
Cervo, 16 de xuño de 2012-O goberno municipal de Cervo asegura que “o PSOE quere facer crer á veciñanza que está preocupado pola seguridade nas praias e polo servizo de socorrismo” cando en realidade “desexa que os areais estean abandonados e que non conten con ningún servizo”. Unha actitude que para o executivo local é “unha falsa preocupación polas praias cervenses que excede todos os límites do cinismo, de forma que o PSOE entra nunha nova dimensión da falsidade nunca vista”. De todos os xeitos, o grupo de goberno recoméndalle aos socialistas que “non intenten dar imaxe de inquietude”, que “descansen e estean tranquilos” porque “o servizo de socorrismo nas praias está garantido, grazas ao apoio e a colaboración da Xunta de Galicia”.
Deste xeito o grupo de goberno responde ás críticas vertidas polos socialistas ao redor da vixilancia prevista para os areais neste verán. “Teñen moita lixeireza para saír a criticar á Xunta, pero non lembran que é grazas á administración autonómica que este ano Cervo e San Ciprián disporán dunha rede de saneamento, tan necesaria para que as augas dos nosos areais estean completamente limpas”.
O equipo de goberno destaca que a colaboración da Xunta neste eido e noutros moitos é “encomiable”, especialmente “despois de que as esperpénticas actuacións do PSOE no Goberno do Estado deixaran unha España tocada e que tería afundido de non ser pola entrada do PP”. Aínda así, e a pesar de todos os “atrancos” deixados polos socialistas, o goberno local asegura que “a boa xestión do Goberno de Feijóo na Xunta permitirá dispoñer de socorristas nas praias de Cervo”.
Unha colaboración, a que mantén a Xunta cos concellos galegos, “da que teñen moito que envexar dende a Deputación”, administración provincial da que o goberno local aínda está agardando “non só que axude, como sería normal, senón que simplemente cumpra coas súas obrigas, como pagar á educadora familiar do Concello ou rozar as estradas que son da súa titularidade entre outros tantos deberes propios dunha administración supramunicipal cun municipio como Cervo”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
