Jose Manuel Balseiro di que os grupos da oposición non están á altura da importancia do debate sobre o futuro do sector marítimo-pesqueiro e lamenta que socialistas e nacionalistas non queiran contribuír a elaborar unha posición común en defensa dos intereses de Galicia
O PARLAMENTO APROBA A PROPOSTA DE DITAME SOBRE ASPECTOS CLAVE DE GALICIA ANTE A REFORMA DA POLÍTICA PESQUEIRA COMÚN E A TRASLADA AO CONSELLO GALEGO DE PESCA
A intransixencia do BNG e a negativa do PSOE a deixar en evidencia aos nacionalistas fixo imposible o acordo unánime sobre un documento pese a estar consensuado en máis dun 90% do seu contido
O Parlamento asumiu a proposta defendida polo PP sobre aspectos clave para Galicia ante a reforma da Política Pesqueira Común
Santiago, 13 de xuño de 2012.- O Parlamento galego asumiu a proposta de ditame –defendida polo Grupo Parlamentario Popular- sobre aspectos clave para Galicia ante a reforma da Política Pesqueira Común. O documento aprobado pola Cámara será remtido agora ao Consello Galego de Pesca –máximo órgano de consulta do sector pesqueiro, marisqueiro e acuícola galego- para o seu debate e aprobación definitiva.
Ao finalizar todo o proceso será posible contar cunha serie de propostas, incluídas nun documento–avalado polo Parlamento de Galicia e polo sector- “que levará recollidos as demandas, inquedanzas e arelas de futuro das nosas xentes do mar, do noso tecido industrial pesqueiro, das nosas asociacións e formacións sociais” explicou Balserio. E unha vez rematado tócanos “darlle curso ás nosas pretensións diante das institucións europeas, argumentando a nosa potencia pesqueira, a de Galicia, en forma de palabras e apuntalando o desexo de que nos manteñamos fortes hoxe, mañana, no futuro”.
O documento aprobado defende, entre outras cuestións, o necesario equilibrio dos aspectos social, económico e da sustentabilidade ambiental nos aspectos que recolla a futura normativa, a flexibilización do obxectivo de Rendemento Máximo Sostible, a articulación de medidas de axuda e apoio nas políticas de minoración de descartes, a introdución das concesións de pesca transferibles (salvo para a pesca artesanal), a derrogación da estabilidade relativa, o reforzo do papel dos Consellos Consultivos Rexionais, a mellora do fondo europeo de pesca e da estrutura de mercados pesqueiros e a identificación e recoñecemento das especificidades da flota costeira artesanal e do marisqueo galego
PSOE E BNG DE COSTAS AO SECTOR
O voceiro do Mar dos popualres galegos sinalou que a intransixencia do BNG e a negativa do PSOE a deixar en evidencia aos nacionalistas fixo imposible o acordo unánime sobre un documento pese a estar consensuado en máis dun 90% do seu contido. De feito os tres grupos políticos con representación na Cámara galega traballaban xunto coa Consellería do Medio Rural e do Mar nun ditame conxunto cuxa última versión foi a que se someteu ao parecer do Pleno do Parlamento e resultou finalmente aprobada.
Jose Manuel Balseiro, lamentou que os grupos da oposicion non estiveran á altura da importancia dun debate –sobre a nova normativa europea- básico para o futuro do sector marítimo-pesqueiro. Na mesma liña censurou que socialistas e nacionalistas non queiran contribuír a elaborar unha posición común en defensa dos intereses de Galicia e “moito máis aínda que disfracen a súa falta de apoio con falsos pretextos formais e mentiras a súa nula vontade de chegar a un consenso”.
Segundo conclúe o portavoz do Mar “cando toca á hora da verdade PSOE e BNG dan ás costas ao sector” e o fan, “diante do que é, quizás, o debate más trascendental para o futuro das xentes do mar dos que teñen previsto formularse no futuro na Unión Europea”
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
