Os populares consideran que esta actitude do nacionalista demostra a pouca preocupación do alcalde por garantir unha mellora na seguridade local
O Partido Popular recorda que se o concello non ten grumires é porque Orlando González non se acolleu a contratación anticipada destes efectivos
A xestión do bipartito provoca a desatención dos servizos urxentes do Concello durante o tempo que dure o trámite administrativo para a concesión dos efectivos, que se pode prolongar ata uns tres meses
O PP local acusa ao goberno do BNG e do PSOE de esquecer as responsabilidades do executivo e considera “inadmisible” que un rexedor local non se acolla a todas as vantaxes enmarcadas dentro das subvencións ofertadas pola Xunta para a promoción activa de emprego
Mondoñedo, 20 de xuño de 2012- O Partido Popular de Mondoñedo denuncia a xestión irresponsable de Orlando González ao fronte do goberno local. Os populares censuran que a desatención das funcións do nacionalista como rexedor local priven aos mindonienses de incentivos para o fomento do emprego e a procura da seguridade cidadá. Nesta ocasión, o alcalde mindoniense castiga aos veciños sen a posibilidade de acollerse á modalidade de contratación urxente dos Grupos Municipais de Intervención Rápida (Grumir),.
A solicitude desta modalidade daría opción a o adianto en ata tres meses do contrato de doce persoas nunha localidade, como é Mondoñedo, fortemente castigada pola situación económica que vive o país. Mentres outras administracións aproban a discriminación positiva para a comarca e traballan na elaboración dun plan de fomento de emprego, os populares informan que Orlando González retrasa a contratación deste persoal. O Grupo do PP local cualifica de “inadmisible” que un rexedor local non se acolla a todas as vantaxes que posibilita a Xunta dentro dos programas de cooperación, promovidos a través da Consellería de Traballo e Benestar, e dirixidos a incrementar a empregabilidade.
O DOG recolle o 12 de marzo as bases que regulan as axudas a subvencións para o fomento de emprego a través de programas de cooperación no ámbito de colaboración con entidades locais e a súa convocatoria para o exercicio 2012. En concreto o artigo 13, regula a contratación anticipada na que se explícita, que unha vez presentada a solicitude, cada entidade local deberá indicar expresamente no expediente a intención de acollerse a modalidade de contratación anticipada dos concellos, co obxecto de poder iniciar proxectos urxentes, que permitirán contratar un máximo de dous traballadores desempregados, excepto no caso dos Grumir, no que se contratarán ata doce integrantes.
Os populares de Mondoñedo non se explican que Orlando González desatenda a súa responsabilidade e non só castigue sen posibles postos de traballo aos veciños, senón que tamén, a súa actitude, provoca a desatención dos servizos urxentes do Concello durante o trámite administrativo que permite a contratación destes efectivos de xeito anticipado.
O grupo municipal do Partido Popular pregúntalle a Orlando González polo feito que motivou o rexeitamento do goberno local a acollerse á contratación anticipada dos Grumir. O PP tacha de falta de moralidade a actitude do BNG e do PSOE. Os populares explican que o bipartito repetidamente manifesta a necesidade do fomento de emprego no Concello e demanda a colaboración doutras institucións. Con todo, a hora da verdade, esquécense de cumprir cos seus cometidos e desaproveitan posibilidades de creación de postos de traballo. Os populares rexeitan que un equipo de goberno non se olvide de percibir o seu soldo pero si de anticipar contratacións dos veciños.
A elaboración dun plan de emerxencias é unha das demandas dos populares na localidade dado o mal estado no que se atopa o material e a falta de mantemento e descoñecemento dos recursos que permiten unha reacción rápida en caso de sinistro reducindo así as consecuencias negativas. Dada esta situación, os populares consideran máis rexeitable a falta de preocupación do rexedor local por garantir a seguridade no municipio
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
