Barreiro explicou que no custoso camiño cara a recuperación, Galicia ten logrado situarse nunha posición máis avantaxada que a do conxunto de España que lle permite NON aplicar integramente as medidas que expón o Goberno de España para cumprir o obxectivo do déficit
O PP de Lugo explicará por toda a provincia o modelo político “responsable e exemplar” de Feijóo no combate á crise
Ningún pensionista galego terá que adiantar diñeiro para medicamentos: cando pague 8 euros, automaticamente, non pagará nin un euro máis.
A Xunta cumpriu o seu compromiso de non subir as taxas universitarias na primeira matrícula.
Galicia mantén o seu diferencial positivo e se sitúa por debaixo da media española de desemprego.
A pesar do contexto de crise e restriccións orzamentarias Galicia conta con máis escolas infantís, máis centros de terceira idade, máis apoios aos colectivos con dificultade, máis novas tecnoloxías na escola e mellor sanidade pública que co bipartito
Lugo, 29 de xuño de 2012.- O Presidente do Partido Popular de Lugo e portavoz do Grupo Popular no Senado, José Manuel Barreiro deu a coñecer hoxe, tras manter unha xuntanza de traballo coas Deputadas e Deputados Autonómicos desta formación política, o inicio dunha campaña que se desenvolverá por todos os concellos da provincia na que se explicará o modelo político “ responsable e exemplar” de Feijóo e a súa incidencia no combate dos efectos da actual crise.
Segundo o dirixente popular no custoso camiño cara a recuperación, Galicia ten logrado situarse nunha posición máis avantaxada que o resto das comunidades autónomas o que lle permite NON aplicar integramente as medidas que expón o Goberno de España para cumprir o obxectivo do déficit.
“Galicia anticipouse en austeridade, e puxo en práctica que a Xunta gastara o mínimo posible en si mesma e o máximo posible nos cidadáns. Galicia anticipouse na racionalización da administración paralela e no ámbito da disciplina orzamentaria, e hoxe, a nosa volveu a ser a comunidade con maior solvencia acreditada e menor déficit acumulado”
Segundo os populares este é o resultado da anticipación e a responsabilidade. “Pero non se confundan. Nin aceptamos a situación que viven as galegas e os galegos nin, por moito que a situación de Galicia sexa mellor que a do conxunto de España, nin nos consola nin, nos conformamos. Seguiremos traballando por mellorar e por manter ese diferencial positivo”.
MEDICAMENTOS
José Manuel Barreiro deu exemplos polos que Galicia atópase nunha mellor posición que o resto do Estado e lembrou por exemplo que en materia de pago de medicamentos ningún pensionista galego terá que adiantar diñeiro para o pago das súas medicinas como si acontece noutras comunidades autónomas. “Cando pague 8 euros, automaticamente, non pagará nin un euro máis. Galicia será a comunidade autónoma española onde se paguen menos medicamentos”.
SERVIZOS SOCIAIS
A pesar da crise económica e do déficit deixado polo PSOE a Xunta é quen de ampliar os servizos e os dereitos dos maiores. Así por exemplo, só na provincia de Lugo a Xunta de Galicia creou 372 novas prazas en residencias públicas e 110 en centros de día en distintos puntos da provincia. E agora mesmo ten outras dúas residencias en licitación”.
“Unha xestión económica austera e responsable permitiu ao actual Goberno de Galicia facer que a nosa comunidade conte hoxe con máis escolas infantís, máis centros de terceira idade, máis apoios aos colectivos con dificultade, máis novas tecnoloxías na escola e mellor sanidade pública que co anterior Goberno bipartito”.
EDUCACIÓN
A Xunta cumpriu o seu compromiso de non subir as taxas universitarias na primeira matrícula. “Mentres estudar noutras autonomías encarecerase notablemente, Galicia fai un esforzo para que as familias poidan enviar aos seus fillos á universidade ao menor custo posible”. Deste xeito Galicia seguirá sendo unha das comunidades coas taxas universitarias máis baixas.
No ámbito da educación non universitaria a nosa é unha das tres CC.AA con menos alumnos por profesor (9,7 de media) e despois da reorganización do horario docente, na actualidade as alumnas e alumnos galegos cada semana de curso teñen a súa disposición 60.000 horas máis de dedicación.
EMPREGO
Galicia mantén o seu diferencial positivo e se sitúa por debaixo da media española de desemprego. O actual Goberno galego non se vai conformar coa evolución do paro en Galicia, aínda que a comunidade teña un 4 por cento menos de paro que no resto de España e seguirá combatendo as causas que levaron ao conxunto de España a ser o país europeo con maior taxa de desemprego, grazas as políticas económicas dun Goberno PSOE e BNG estiveron apoiando durante 8 anos.
Conclueu Barreiro afirmando, que malia a crise económica na que vivimos, no conxunto da provincia lucense, este verán, increméntase nun 15% o número de socorristas contratados, atendendo ás peticións doutros concellos do interior para atender as piscinas. Destacou a iniciativa do Goberno Galego, quen este ano subvenciona a contratación de 109 socorristas para vixiar as praias da provincia, o que supón un investimento de 337.906 euros.
CONSELLO EUROPEO
Sobre o Consello Europeo, o Voceiro do GPP no Senado, calificou de positivo que Europa acepte a recapitalización directa dos bancos. Destacou Barreiro o protagonismo de Mariano Rajoy na Cumbre Europea e asegurou que gracias ás medidas que está adoptando o Goberno Central, España volverá a recuperar o prestixio internacional que nunca tería que haber perdido.
Ademáis o Voceiro dos populares no Senado, explicou que o acordó acadado hoxe en Bruselas permitirá que o préstamo para a banca española se xestione a través do Fondo Europeo de Estabilidade Financieira (FEEF) mentras os países da Unión Europea traballan para por en marcha un supervisor bancario único.
Na súa opinión, o Consello Europeo está mandando unha mensaxe clara e rotunda sobre o futuro da moeda única e destacou que a aposta de Europa polo crecemento, emprego, estabilidade dos mercados e un proxecto de maior integración reforzan tanto o proxecto europeo coma o euro.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
