José Manuel Balseiro Orol, Marisol Piñeiro Martínez, Encarna González Montemuiño, Rosa Oubiña Solla, Gema Freire Insua, Marta Valcárcel Gómez e Fátima Iglesias Pereira deputado e deputadas do Grupo Parlamentario Popular de Galicia, ao abeiro do disposto no artigo 152 do Regulamento da Cámara presentan, ante esa mesa, a seguinte pregunta para a súa resposta Oral en Comisión
O 1 de decembro de 2011 a Comisión 8ª, de Pesca e Marisqueo, do Parlamento de Galicia aprobaba por unanimidade, e a iniciativa do Grupo Parlamentario Popular, un acordo polo que se instaba á Xunta a dotar de respaldo orzamentario suficiente ao proxecto de dragado integral das dársenas portuarias e canles de acceso sitas na localidade de Foz (Lugo) ao obxecto de garantir que as distintas embarcacións poidan efectuar con normalidade as manobras de atraque, entrada e saída sen risco de varada.
Semanas despois o Presidente do ente público autonómico, Portos de Galicia, Jose Juan Durán, visitaba esta vila lucense e confirmaba a disposición do departamento que dirixe de acometer esta actuación para a que reservaba un investimento de 250.000 euros.
Non era esta única actuación que ten previsto desenvolver Portos en relación co peirao focense, xa que está a elaborar un estudo para ver se é posible a colocación de tablestacas -elementos de separación de terras- na ría, de tal xeito que as areas quedarían separadas a ambos os dous lados, permitindo sempre o paso de barcos e evitando o novo depósito de sedimentos areosos. «A idea é a de poder acoutar uns 30.000 metros cadrados.
En relación con este asunto, o Grupo Parlamentario Popular formula as seguintes preguntas:
1.-) ¿En que situación se atopan os proxectos anunciados polo Presidente de Portos de Galicia na súa visita do pasado mes de decembro á localidade de Foz?
2.-) ¿Que previsións manexa o ente público autonómico ao respecto do desenvolvemento do dragado integral das dársenas portuarias e canles de acceso?
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
