MARIO OUTEIRO DENUNCIA QUE O TURISMO E A HOSTALERÍA SERÁN DOUS DOS SECTORES MÁIS PERXUDICADOS POLA SUBA DO IVE
Dende a Vicepresidencia da Deputación insístese que “a retirada da extra de Nadal aos funcionarios é sepultar ao sector servizos”
Outeiro afirma que “o Partido Popular prefire que a crise a paguen os autónomos, os funcionarios e os parados antes que os defraudadores”
Lugo, 16 de xullo de 2012. O delegado de Cultura e Turismo da Deputación de Lugo,Mario Outeiro, denuncia que as medidas de recorte aprobadas polo Goberno do Estado “son perfectas para non saír da crise; están especialmente deseñadas para que a crise a paguen os autónomos os funcionarios e os desempregados e profundizar nas diferenzas entre os cidadáns”.
“Todas as políticas aprobadas polo Goberno central –continúa Outeiro- van ter o efecto contrario ao esperado pero, ademais, o anuncio e posterior debate da suba do IVE para o sector turístico, un dos que máis aporta ao Produto Interior Bruto español, é inoportuno polo momento no que se anunciou, en plena temporada alta, o que podería causar cancelacións ou intranquilidade entre posibles visitantes nesta mesma campaña de verán. O sector servizos será dos máis afectados pola suba do IVE e a retirada da paga extra de Nadal dos funcionarios”.
Dende a Vicepresidencia da Deputación provincial insisten en que a eliminación da extra de Nadal dos empregados públicos “rematará por sepultar ao sector servizos, en canto a campaña de Nadal era unha das máis fortes de todo o ano e que permitía a moitos negocios aguantar o resto do exercicio; sobre todo en cidades como Lugo, na que os empregados públicos supoñen máis do 27% dos traballadores en activo ”.
Mario Outeiro asegura que “fronte estas políticas de recorte, que van potenciar a economía somerxida, son precisas outras de incentivo aos emprendedores e os autónomos que son os que crean riqueza e que, sen embargo, son outros dos colectivos máis atacados polas políticas do Goberno do Partido Popular tras a decisión de elevar os módulos dos autónomos, en concreto, no réxime especial de recargo de equivalencia, obrigatorio para comerciantes autónomos que venden a un cliente final”.
“O executivo estatal insiste en atacar, e incluso insultar, aos máis débiles como aos desempregados. Na provincia de Lugo hai milleiros de persoas que a diario buscan un emprego e que non o atopan e que, coas medidas adoptadas,seguirán sen atopalo. Os datos do emprego non diminuirán reducindo a prestación por desemprego o que ademais repercutirá no consumo. Nos vindeiros meses veremos pechar moitos negocios e se incrementan os datos do desemprego e o único responsable desta desfeita será o Goberno de Mariano Rajoy”.
Outeiro conclúe preguntándose a cerca dos motivos polos que o executivo estatal prefire que paguen a crise os autónomos, os desempregados e os funcionarios en lugar dos defraudadores de facenda.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
