O ARI DE RIBADEO PERMITIU EN DEZ ANOS REHABILITAR 160 VIVENDAS NO CASCO VELLO. O CONCELLO ESTÁ A ENVIAR CARTAS AOS PROPIETARIOS DE INMOBLES QUE PRECISAN DUNHA ACTUACIÓN PARA QUE APROVEITEN AS LIÑAS DE AXUDAS DAS QUE DISPOÑEN E ASÍ PODER ACOMETER ESES TRABALLOS.
Ribadeo, 16 de xullo de 2012. O Ari de Ribadeo permitiu que se rehabilitasen 160 vivendas do casco vello en dez anos. O Concello está a enviar cartas aos propietarios de inmobles que precisan dunha remodelación para que aproveiten as liñas de axudas das que dispoñen e que poden chegar ata os 10.000 euros a fondo perdido.
O alcalde, Fernando Suárez, sinala que “ainda que o momento económico que estamos a pasar actualmente é francamente malo, tamén por extensión o sector da construcción se está a resentir, en Ribadeo no que ten que ver coa rehabilitación das dúas áreas que temos en funcionamento, o casco vello de Ribadeo e o casco vello de Rinlo, a verdade é que ofrecen uns resultados que convidan á esperanza, convidan a seguir traballando nesta eido”.
O rexedor explica que “no área de rehabilitación de Ribadeo, que leva dez anos en funcionamento, rehabilitáronse unhas 160 vivendas. Trátase dunha cifra importante, tendo en conta que cando se fixo a estimación inicial para o casco vello falóuse de que este programa chegaría para unhas 370 vivendas e levamos o 44% dos obxectivos cumpridos.En Rinlo estamos empezando, pero os resultados convidan á esperanza”.
Suárez Barcia anuncia que “estes días estamos enviando a veciños e propietarios de inmobles tanto do casco vello de Ribadeo coma de Rinlo unha serie de cartas abertas indicándonlles a posibilidade que seguen a ter de pedir estas axudas, que continúan financiando a Xunta e o goberno do Estado para a rehabilitación de particulares. A cifra pode chegar ata os 10.000 euros a fondo perdido, ademáis desde o Concello se bonifica a licencia de obra nunha porcentaxe moi importante e tamén desde a Oficina Municipal se elaboran os proxectos, así os veciños decididos a rehabilitar non teñen que costear o proxecto porque se fai gratuitamente”.
O alcalde ribadense diríxise nesas cartas a todos os propietarios que ainda non rehabilitaron as súas vivendas, “para dicirlles que si están pensando en facelo que non lle dean más voltas, porque aparte de que a rehabilitación particular dun inmoble contribúe na colectividade á hora de ter máis vivos e máis atractivos os cascos vellos e que iso, desde o punto de vista turístico, atrae a que abran novos establecementos comerciais e a que Ribadeo siga a ser un lugar de destino preferencial por parte de moita xente”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
