O termo municipal conta con máis de 5.300 puntos de luz de titularidade pública diseminados pola vila e conxunto das parroquias do rural
O CONCELLO DE FOZ PON EN MARCHA UN PLAN DE AFORRO E EFICIENCIA ENERXÉTICA NO MEDIO RURAL O QUE LO SEGUIRA A VILA.
O plan no rural ten previsto executarse baixo un principio básico fundamental: ningunha vivenda quedará sen o seu alumeado público correspondente
O aforro estimado oscilará entre os 25.000 e 30.000 euros anuais no que influirá o período e a estación do ano.
Foz, 11 de xullo de 2011.- O departamento municipal que dirixe o edil Pedro Fernández Manín puxo en marcha un plan de eficiencia e aforro enerxético nas parroquias do rural que ten por obxecto reducir a gasto que a día de hoxe supón para as arcas municipais o mantemento do alumeado público e contribuír con elo a obter unha mellora económica e ambiental.
En termos económicos, as previsións da concellaría de Medio Rural, Agricultura, Pesca e obras apuntaban que o aforro de consumo enerxético se situaría en torno a 20.000 e 30.000 euros ao ano. Aínda que a cifra final poderá variar xa que “en función da época do ano as luces acéndense antes ou despois según o horario de verán o resto do ano”.
NINGUNHA VIVENDA SEN O SEU PUNTO DE LUZ
Un plan, adaptado ás características e necesidades da zona rural, que ten previsto executarse baixo un principio básico fundamental: “ningunha vivenda, e polo tanto ningún veciño da zona rural, quedará sen o seu punto de alumeado público correspondente”.
O termo municipal de Foz conta con máis de 5.300 puntos de luz de titularidade pública diseminados polo conxunto das parroquias do rural. Entre as medidas contempladas no plan establécese onde se poda a alternancia de funcionamento das fases de luminarias durante unhas horas da madrugada, de xeito que non todos os puntos de luz estean operativos ao mesmo tempo nin funcionen cunha potencia máxima. Deste xeito, redúcese o alumeado público nalgunhas zonas como viaís, puntos duplicados ou espazos intermedios, mantendo os mesmos puntos de luz nas vivendas para garantir a seguridade dos usuarios.
FRENO Á POLÍTICA DISCRIMINATORIA CO RURAL
“Na avaliación inicial do plan contemplamos como había zonas cunha sobre abundancia desde o punto de vista enerxético de puntos de luz e outras zonas, incluso vivendas, que estaban claramente discriminadas pola política de marxinación que tivo o anterior Goberno local. Neste caso incluso non descartamos que haxa que poñer en marcha novos puntos de luz, naquelas vivendas que aínda non contan con algún. Pero en todo caso, as medidas executaranse segundo unha planificación obxectiva e atendendo a criterios de aforro e eficiencia enerxética”-explicou Fernández Manín.
SEGURIDADE PARA OS VECIÑOS
Ao mesmo tempo o responsable da area de Medio Rural quixo deixar claro que a rebaixa no subministro de luz “compatibilizase coas garantías plenas de seguridade para os veciños”. E naqueles espazos que así o precisen “mantéñense operativos permanentemente todos os puntos lumínicos. A alternancia de funcionamento estará restrinxida a zonas de tránsito puntual e vías secundarias, nos que se reduce o número de puntos de luz activos a un mesmo tempo”.
A concellaría de Medio Rural, seguindo as directrices de xestión administrativa que define o Goberno municipal, está a executar unha política de optimización de recursos e reducción do gasto a fin de contribuír ao saneamento da facenda local –pese a mala herdanza recibida-. No actual contexto de forte crise económica, o Concello de Foz está a poñer en marcha diferentes medidas de aforro, sen prexudicar a calidade do servizo e pensando no benestar dos veciños.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
