Lourenzá, 31 de xullo de 2012. Son moitos os que nas últimas datas están a por o berro no ceo debido á xá famosa reforma das administracións locais, un deles o noso rexente o Señor Vidal Martínez-Sierra e dende o BNG de Lourenzá coincidimos con el en moitas cousas, sobre todo cando afirma a necesidade de ter un salario digno o cal lle permita desenrolar a súa vida privada dun xeito de igual modo digno, apoiamos tamén a súa opinión sobre as Deputacións ou o Senado, pois ao noso entender son institucións obsoletas e sen valor real hoxe en día, pero polo que non estamos dispostos a pasar e por outro tipo de manifestacións, pois o axuste nos Concellos con regulación salarial si é preciso para combater os desmáns salariais que se están a producir.
Sorpréndenos ler a súas declaracións neste intre e con respecto a este tema cando no noso Concello os temas de interese nacional non se tocan debido a certa “normativa municipal” imposta, ¿por qué non se manifestou libremente do mesmo xeito sobre a reforma laboral ou sobre a reforma fiscal ?, será porque agora lle toca o seu peto e non o dos demais, ¡pois señor Alcalde aveces hai que comer o chocolate ainda que sexa amargo!.
Por outra banda entristécenos comprobar a súa falla de contacto coa realidade cotiá da maioría dos cidadáns, pois moitos deles suspirarían aliviados si puidesen conseguir un contrato de traballo que lles reportase 15.000 € ao ano, e imaxínese si como vostede puideran dispoñer de dous traballos a escoller, iso é o sono dourado de calquera mortal nestes tempos, e como dixo, ¿qué ia a facer vostede con 15.000 € en Lourenzá?, pois non o sei, cada un e cada un, ¿pero que cre vostede que fan os demais?, xente que na maioría dos casos mantén as súas unidades familiares dentro do noso Concello por moito menos que eses “míseros 15.000 €”, pensionistas, parados, que por certo se incrementaron no noso Concello nun 78,3% só nos últimos 3 anos, ¡somos record de creación de “parados” na Mariña nos últimos 3 anos! ¿canto cre vostede que gaña un obreiro de Hermida ou un asalariado dunha industria forestal de Lourenzá?, pois eles tamén viven, ou malviven, segundo como se mire, grazas en parte, a certas medidas aprobadas polo goberno, medidas que nestes casos parecen non merecer a súa opinión dado o que todos puidemos ver. Máis ainda, xa que segundo vostede di isto é o “chocolate do loro”, para nos o verdadeiro chocolate está en recortar 10.000 millóns de € na sanidade pública e na educación pública mentres a banca privada recibiu máis de 129.000 millóns de € de axudas do estado dende que comezou a crise e só ate 2012 sen contar cos anunciados 100.000 millóns de € que o fondo de rescate europeo vai a por ao dispor da banca privada e que posteriormente pagaremos todos, señor Martínez-Sierra, aquí si que hai chocolate, e non do doce precisamente.
O certo é que ao noso entender as súas declaracións non fan máis contribuír un pouco máis se cabe ao descrédito actual da clase política, comprobamos como a súa falla de tacto e sensibilidade para cos demais é patente e recórdanos a certo presidente do goberno Español que non sabía nin o que valía un café, señor Martínez-Sierra, que vostede defenda os seus intereses persoais parécenos lóxico dado que así o tratamos de facer día a día todos nas nosas vidas, nos nosos traballos, os que por sorte “de momento” ainda o temos, pero que queira ignorar vostede a moitos dos seus veciños que con familias moito máis longas ca súa subsisten con moito menos “deses” 15.000 € xá é demasiado, consideramos pois que por respeto a eles e a tódolos demais que estamos a sufrir as consecuencias deste desaguisado como mínimo deberiamos de por os pés na terra, baixar do noso pedestal para tocar e comprobar por nos mesmos, ainda que só sexa unha vez o que é a realidade, e tal vez, so tal vez así poder rematar xá con esta nova clase social denominada “a dos políticos”, que só parece querer reaccionar cando alguén ou algo ameaza seriamente a súa burbulla.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
