MARIO COTO ASEGURA QUE O RCNR CONSEGUIU OS MÁXIMOS RECOÑECEMENTOS AOS QUE PODÍA ASPIRAR A ACTUAL DIRECTIVA. E AGRADECÉULLE AO PRESIDENTE DE PORTOS DE GALICIA QUE ACUDISE AO IZADO DAS BANDEIRAS, QUE TIVO LUGAR ESTA MAÑÁ.
Ribadeo, 2 de xullo de 2012. O presidente do Real Club Náutico de Ribadeo, Mario Coto, asegura que a entidade conseguiu os máximos recoñecementos aos que podía aspirar a actual directiva: bandeira azul, Q de calidade turística e título de Real, outorgado pola Casa de El Rey. Coto agradecéulle ao presidente de Portos de Galicia que hoxe acudise ao izado das bandeiras, que tivo lugar no porto deportivo.
O presidente do RCNR sinalou que “para o Real Club Náutico de Ribadeo e para a directiva que eu represento esto quere decir que as cousas se están a facer ben. A bandeira azul obténse por ter un peirao limpo e unhas augas controladas, entre outras cousas. É un orgullo recibir un ano máis e izar esta bandeira ao igual que a da Q de calidade turística. Ademáis realizamos este acto sendo Real Club Náutico de Ribadeo, que é outro orgullo ter obtido hai xa uns meses este título que outorga a Casa de El Rey. En definitiva son os máximos recoñecementos aos que pode aspirar esta directiva, que xa demostrou que quería facer moitas cousas para que o Real Club Náutico de Ribadeo estea na elite”.
Coto considera que “a xente cada vez está máis concienciada do que supón contar coa bandeira azul e coa Q de calidade turística, e interpreten que cando chegan a un porto como o de Ribadeo aquí se vai estar ben, vai haber bós servizos e un bó traballo e respecto cara o medio ambiente”.
Mario Coto subliñou que “o presidente de Portos de Galicia se porta maravillosamente co Real Club Náutico de Ribadeo e quérolle dar as gracias públicamente. Neste día quixo estar aquí dándonos o seu apoio no acto de izado das bandeiras”. O presidente do RCNR lembrou que “aínda acaban de facernos unha obra que necesitábamos moito, que é a ampliación dun pantalán, e queremos agradecerlle todo o que está a facer polo Real Club Náutico de Ribadeo, que conte nós para o que queira e eu estou convencido de que nós podemos contar con él tamén. Para nós é moi importante que o presidente de Portos de Galicia se preocupe de vir aquí”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
