O ALCALDE REUNÍUSE COS RESPONSABLES DA GARDA CIVIL, DA POLICÍA LOCAL E DE PROTECCIÓN CIVIL CO OBXECTIVO DE BUSCAR A MELLOR COORDINACIÓN PARA GARANTIR A SEGURIDADE DAS PERSOAS NOS DISTINTOS EVENTOS QUE SE CELEBRARÁN EN BURELA ESTE VERÁN. GONZÁLEZ BARCIA AGARGA QUE AS PRAIAS CONTEN CON SOCORRISTAS A VINDEIRA SEMANA.
Burela, 2 de xullo de 2012. O Concello foi escenario dunha xuntanza do alcalde, José Mª González Barcia, e o concelleiro de Protección Civil, Manuel Fernández Valle, cos responsables da Garda Civil, da Policía Local e de Protección Civil. A finalidade do encontro foi buscar a mellor coordinación para garantir a seguridade nos distintos eventos que se celebrarán en Burela durante o verán: a festa castrexa do vindeiro sábado, a romería do Monte Castelo, que terá lugar a última fin de semana de xullo, e Produart e a feira do bonito, que se celebran a primeira fin de semana de agosto.
González Barcia sinalou que “o que se busca é coordinar os recursos destes corpos de seguridade para garantir a seguridade das persoas que acuden a eses eventos”. O rexedor explicou que “tamén falamos da campaña de salvamento e socorrismo nas praias durante este verán. Os socorristas empezarán tan pronto como sexa posible, calculo que como moi tarde poderían incorporarse aos seus postos a principios da vindeira semana e o tempo de duración será de dous meses”. O alcalde de Burela transmitíulle á Garda Civil e a Policía Local “que os socorristas son a representación da autoridade nas praias, aínda que ás veces algún cidadán non lles fai caso e terán que requerir a presenza das forzas de seguridade para que as ordes e os consellos dos socorristas sexan atendidos polos usuarios dos areais. José Mª González Barcia contou que “outro dos temas abordados foi a vixianza e o control nas zonas de aparcamento este verán para evitar que se produzan furtos, sustraccións, etc”.
Para o alcalde burelés “estas reunións son boas porque sirven para coordinar servizos que afectan ao servizo dos cidadáns”. Estes encontros foron postos en marcha polo PP no seu anterior mandato no Concello de Burela.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
