Ribadeo, 5 de agosto de 2026. Ribadeo inviste 50.000 euros no arranxo dos accesos a Guildeiros e A Graña na parroquia de Ove. Será a través do Plan Avanza Rural.
O alcalde, Dani Vega, explicou que “seguimos xestionando orzamento, neste caso son 50.000 euros para seguir avanzando e mellorando as nosas vías de comunicación. O Plan Avanza Rural, que empezábamos hai 3 anos, marcaba unha planificación de inversión e de melloras. Actuamos neste caso na parroquia de Ove, concretamente en Guildeiros e na Graña, son 2 accesos de comunicación moi importantes e desde logo había que investir”.
O rexedor subliñou: “50.000 euros que son fondos 100% da Xunta de Galicia, e parécenos importante ter esa planificación e combinar distintas colaboracións entre as distintas administracións para mellorar as nosas vías de comunicación. Por lo tanto, baixo esta planificación, baixo esta xestión, é como se fan as cousas, así é como avanza a Ribadeo, xestionando orzamento e mellorando as vías de comunicación que levaban moitos anos destrozadas. Concretamente, neste caso en Ove, na Graña e Guildeiros, as vías de comunicación están moi destrozadas. Polo tanto, a prioridade é investir naqueles puntos onde hai máis perigo, onde se detecta unha falta de seguridade e desde logo, cando hai un deterioro moi importante. Con estes 50.000 euros vamos arranxar esta zona”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
