VILLARES PERDE O TEMPO EN BUSCAR LIORTAS COA DEPUTACIÓN MENTRES TEN ZONAS DO CONCELLO TOTALMENTE ABANDONADAS
-Os socialistas subliñan o mal estado do Conxunto Histórico Artístico de Sargadelos e o Campo do Negrillo, “onde a altura das herbas non deixa ver os bancos”
-Afirman que “en lugar de buscar vías de entendemento para traballar xuntos polo benestar dos veciños, insiste en solicitudes ás que o delegado da área correspondente xa deu resposta”
CERVO, 3 DE XULLO. Os membros do Grupo Municipal Socialista de Cervo lamentan a actitude do alcalde, Alfonso Villares, coas institucións que non gobernan os seus compañeiros do Partido Popular, “sempre está buscando motivos para comezar unha liorta, neste caso, coa administración provincial. Mentres, dá pena ver zonas do concello como o Conxunto Histórico Artístico de Sargadelos ou o abandono total do Campo do Negrillo na Senra, onde a altura das herbas non deixa ver os bancos”.
Os socialistas subliñan que “en lugar de buscar vías de entendemento para traballar xuntos polo benestar dos veciños, o señor Villares adícase a buscar problemas e críticas. Malgasta o tempo en solicitar repetidamente á Deputación de Lugo uns traballos, cando o delegado da área correspondente xa lle deu resposta de cómo, cando e por qué se ían realizar esas actuacións”.
Dende o PSOE aseguran que “o único motivo desta actitude do alcalde é o rédito partidista. Non ten ningunha preocupación pola situación real do concello, tan só basta con lograr os intereses políticos”. Esiximos que “o importante sexan os veciños e o seu benestar, é unha pena ver o mal estado destas zonas en pleno verán, cando veciños e visitantes máis poden disfrutar delas”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
