O ALCALDE FAI UNHA VALORACIÓN MOI POSITIVA DA PROMOCIÓN DA VILA E DA FEIRA DO BONITO REALIZADA A PASADA FIN DE SEMANA EN MEDINA DEL CAMPO. GONZÁLEZ BARCIA ESTÁ DISPOSTO A REPETIR EXPERIENCIA NOUTROS CONCELLOS.
Burela, 16 de xullo de 2012. O alcalde de Burela, José Mª González Barcia, fai unha valoración moi positiva da promoción da vila e da feira do bonito que se realizou a pasada fin de semana en Medina del Campo. O rexedor está disposto a repetir experiencia tamén noutros municipios.
González Barcia dixo que “vimos safisfeitos e entendemos que se abre un marco de colaboración institucional entre os Concellos de Medina del Campo e Burela para promocionarnos eles aquí e nós alí. A eles brindámoslles a posibilidade de estar aquí en Burela en Produart e nós, probablemente, estaremos nas festas de San Antolín a principios de setembro nunha feira exposición multisectorial que se celebra durante todo unha semana”.
Para o rexedor burelés “nós conseguimos os nosos obxectivos: promocionar Burela e a festa do bonito. E agardamos e confiamos en que o restaurante que nos acolleu alí para facer as degustacións veña a Burela pola festa do bonito e Produart. Agradecémoslle o trato que nos deu, que foi exquisito”.
O alcalde sinalou que “do que se trata é de, nestes momentos de crise económica, tentar poñer en marcha todos os recursos que ten o Concello de Burela para atraer visitantes. Neste caso foi a Sociedade Cultural Ledicia, coa que o Concello leva colaborando desde sempre para a celebración da festa do bonito e doutros eventos, a que deu este paso xunto co Concello para estar en Medina del Campo”.
González Barcia indicou que “a idea que temos de cara ao vindeiro ano é repetir en Medina del Campo, veremos cómo podemos configurar a presencia de Burela alí no 2013, pero entendemos que esta primeira experiencia é claramente positiva e por iso estamos abertos a repetir non só en Medina del Campo, senon a abrirnos a outras localidades ou Concellos que nos poidan acoller para levar adiante actividades de potenciación mutua, tal e como estamos a facer agora con Medina del Campo”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
