RAQUEL ARIAS SUBLIÑA QUE A XUNTA IMPULSA A IMAXE DE PRODUTOS DE LUGO CON INDICACIÓN DE CALIDADE NA ‘VUELTA A ESPAÑA’ CO FIN DE “PROMOCIONAR OS RECURSOS DA PROVINCIA NOS 150 PAÍSES AOS QUE CHEGA A PROBA”
? A delegada territorial da Xunta significou que, a través da Secretaría Xeral de Turismo, en colaboración coa Asociación Provincial de Empresarios de Hostalería, publicitaranse unha ducia de produtos da gastronomía lucense “nun escaparate aberto ao mundo durante as tres semanas que dura a proba”
? A representante do Executivo galego na provincia indicou que toda a loxística da saída e do paso da etapa Palas de Rei-Alto dos Ancares estímase que xerará un impacto económico de 250.000 euros na provincia
Lugo, 9 de agosto de 2012.- A delegada territorial da Xunta en Lugo, Raquel Arias, destacou hoxe que a Xunta de Galicia, a través da Secretaría Xeral de Turismo, impulsa de xeito decidido a imaxe da gastronomía e da hostalería lucense na Vuelta Ciclista a España 2012 co fin de “promocionar os recursos da provincia de Lugo nos 150 países aos que chega a proba ciclista, unha das tres máis importantes do mundo”.
A máxima representante do Executivo galego na provincia, en compañía do presidente da Asociación Provincial de Empresarios de Hostelería de Lugo (APEHL), Cheché Real, fixo estas declaracións no marco da presentación da campaña promocional dos produtos lucenses na devandita competición ciclista, que se desenvolverá do 18 de agosto ao 9 de setembro. “Aproveitando a plataforma internacional que representa a Vuelta Ciclista a España, publicitaranse unha ducia de produtos singulares da gastronomía lucense nunha fiestra aberta ao mundo durante as tres semanas que abrangue a proba”, indicou Arias.
Así, na área VIP do dispositivo que establece a proba en cada localidade de saída haberá un stand da marca …E para comer Lugo. Neste posto poderanse degustar produtos da gastronomía lucense dunha ducia de denominacións de orixe e indicacións protexidas, sobre os que se ofrecerá tamén información.
A delegada territorial cualificou tamén o paso da Vuelta Ciclista a España por Lugo como “un gran escaparate para todos os lugares lucenses polos que discorre e, por ende, para toda a provincia” e resaltou a capacidade dun evento deportivo destas características para dar a coñecer o potencial do deporte, pero tamén da provincia.
A delegada territorial significou que a chegada das 1.500 persoas que forman parte da loxística da proba e os visitantes que se acerquen a seguir o percorrido depararán tamén un gran impacto económico para toda a provincia de Lugo, pola que discorrerá a etapa Palas de Rei-Alto dos Ancares o próximo 1 de setembro. “Segundo os datos que manexa a empresa que organiza a proba, estímase que a competición xerará un impacto económico de arredor de 250.000 euros”, expuxo.
Así mesmo, Arias quixo sinalar que o deporte constitúe un modo de complementar a oferta turística galega e que o feito de ter a posibilidade de asistir a eventos deportivos ou de participar activamente neles contribúe a xerar “unha imaxe de Lugo e de Galicia dinámica, moderna e adaptada” ás necesidades dos novos tempos, facilitando a promoción de ofertas mixtas que permitan disfrutar das posibilidades turísticas do destino Galicia.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
