A DEPUTACIÓN AFORTALA OS SERVIZOS SOCIAIS E O BENESTAR DA POBOACIÓN DO RURAL
Antonio Veiga informou da sinatura dun convenio co Concello de Riotorto para a posta en marcha de actividades que redunden no benestar das persoas das parroquias de Riotorto a través da Rede de Dinamización de Centros Veciñais do Concello
Veiga criticou que “o PP non garanta a continuidade da axuda de 400 euros aos parados, que de ficar sen ela quedarían tamén sen cobertura sanitaria”
Federico Gutiérrez Estoa agradeceu esta axuda “que servirá para continuar levando a cabo actividades ao longo do ano en todas as parroquias do noso concello”
Lugo, 9 de agosto de 2012. O vicepresidente da Deputación de Lugo e responsábel das áreas de Benestar Social e Deporte, o nacionalista Antonio Veiga, asinou esta mañá co alcalde nacionalista de Riotorto, Federico Gutiérrez Estoa, un convenio de colaboración mediante o cal a Deputación achegará unha cantidade económica de 60.000 euros para a posta en marcha de actividades de dinamización social que se levarán a cabo na Rede de Centros Veciñais que o Concello de Riotorto creou desde a chegada á fronte do goberno municipal do BNG.
Segundo afirmou Antonio Veiga “con esta actuación queremos apoiar o gran traballo que se está a realizar desde o Concello de Riotorto á hora de favorecer as dinámicas sociais e a cohesión da poboación do rural, xa que a realización dun programa tan variado de actividades nos centros veciñais permite acadar ás persoas que viven en núcleos dispersos unha meirande autonomía e unha dinámica de intercambio social moi beneficiosa para manter vivo e poboado o noso eido rural. Desde a Área de Benestar da Deputación temos clara a nosa aposta firme pola defensa do benestar social e a garantía dos servizos sociais para todas as persoas, independentemente do lugar no que residan, sen que haxa exclusións de ningún tipo por motivos económicos ou xeográficos, porque todas as persoas teñen dereito ao mesmos servizos”.
No transcurso da sinatura deste convenio, Antonio Veiga quixo manifestar o seu profundo rexeite á política do PP que “está a agocharse a uns días de que remate a axuda de 400 euros para parados de longa duración, o que posibelmente oculte a súa intención de non prorrogala, o que sería unha decisión catastrófica para o noso país xa que hai milleiros de familias que teñen a todos os seus integrantes no paro. Ademais, de extinguirse esta axuda, os parados sen prestación verían como se lles eliminaría tamén a súa tarxeta sanitaria quedando sen asistencia médica. Cara este escenario é a onde nos conducen as políticas neoliberais do PP e ao que eles queren: a eliminación dunha clase media e que só haxa ricos con dereitos que se enriquezan cada vez máis e pobres empobrecidos”.
Pola súa banda, o alcalde nacionalista de Riotorto, Federico Gutiérrez Estoa, agradeceu o apoio da Área de Benestar da Deputación para “continuar co programa de Dinamización dos Centros Veciñais de Riotorto, xa que grazas a esta achega poderemos desenvolver un conxunto de actividades como obradoiros, conferencias, actividades culturais, excursións, programas de avellentamento activo e actividade física que adoitan ter, polo seu carácter participativo, unha grande aceptación por parte da veciñanza”.
Federico Gutiérrez Estoa destacou que “este programa permite manter actividades durante todo o ano que implican á poboación tendo en conta a realidade do concello e de cada parroquia. Esta programación demostra que se pode chegar a mellorar da calidade de vida e do benestar da veciñanza, lograr un desenvolvemento integral dos maiores promovendo a súa cohesión social no tempo libre a través do intercambio xeracional, fomentando unha actitude crítica e tamén a creatividade cultural e artística”.
vilaseca aldurfe ferreiravella espasande de arriba, espasande de abaixo e augaxosa
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
