O lugués Hugo ficha polo equipo laranxa
O ala Hugo Sánchez Flores, procedente de Marfil Santa Coloma, afirmou sentir que se enfronta a “un reto importante” ademais do que supón para el unha “alegría importante, por competir na máxima categoría do fútbol sala español por quinto ano consecutivo e, por riba, poder facelo cerquiña da casa”.
Hugo, que foi presentado polo Presidente do CD Burela FS Pescados Rubén, José Ramón González Casas, advirte que a nivel individual pretende “aportar traballo ao grupo, moito sacrificio e esforzo, tanto nos adestramentos como en cada partido”. O presidente confesou sentir unha profunda satisfacción porque “incorporamos ao proxecto xente da terra que nos aporta grandes posibilidades y un futuro prometedor”. Na mesma liña, o ex de Azkar, Benicarló e Marfil, sinalou que “somos un grupo novo e debemos ser ambiciosos, saíndo cada partido sen renunciar a nada”.
No palmarés de Hugo figuran entre outros os campionatos de España sub-18 con Galicia no 2008 e o de España sub-20 no ano 2009 que se disputara en Santiago de Compostela.
Por último, o lugués quixo pór énfase na afección: “o ambiente en Vista Alegre é espectacular. Tocoume sufrilo en contra cando estaba en Azkar e gozar dunha grada similar tamén en Benicarló. Estou realmente contento por ter a oportunidade de gozar de Vista Alegre cada quince días”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
