RAQUEL ARIAS DESTACA QUE A XUNTA SUBVENCIONA CON PRETO DE 130.000 EUROS OBRAS PARA A MELLORA DA EFICIENCIA ENERXÉTICA EN CONCELLOS DA MARIÑA, CO QUE FACILITARÁ UN AFORRO NA FACTURA DA LUZ
A delegada territorial subliñou “a importancia destes proxectos, que posúen especial relevancia tanto polos beneficios no apartado económico, xa que facilitan o aforro na factura da luz, como no ámbito medioambiental”
A redución do consumo enerxético que se acada nestas dotacións logo da renovación dos dispositivos chega ata o 50%
Os municipios beneficiarios, que aportan ata un 30% do custe total das obras, renovan as instalacións de iluminación pública e semáforos, realizan estudos e auditorías enerxéticas para valorar prácticas de aforro
O Valadouro, 14 de agosto de 2012.- A Consellería de Economía e Industria destina preto de 130.000 a subvencionar medidas de aforro e optimización enerxética en concellos da comarca da Mariña. Así o indicou hoxe a delegada territorial, Raquel Arias, durante a visita que levou a cabo hoxe ao Valadouro para revisar as áreas deste concello nas que se desenvolverán a partir dos próximos días obras de mellora da eficiencia enerxética.
Arias, acompañada polo alcalde do Valadouro, José Manuel Lamela, incidiu na “especial relevancia que teñen este tipo de proxectos polas repercusións económicas que proporcionan, xa que facilitan o aforro na factura da luz, pero tamén permiten melloras no ámbito medioambiental”.
Dentro da estratexia global de aforro e eficiencia enerxética que persegue a Xunta, Economía e Industria, a través do Instituto Enerxético de Galicia (Inega), presta particular atención aos concellos, sinalou Arias. Así, entre o paquete de liñas de axuda específicas para os municipios do Inega destacan as de renovación das instalacións de iluminación pública exterior existentes e as auditorías enerxéticas orientadas á optimización das instalacións de iluminación pública.
O Inega concedeu axudas a catro concellos da Mariña para a renovación das instalacións de iluminación pública exterior existentes aplicando criterios de aforro e eficiencia, así como as instalacións de semáforos. A contía das subvencións pode supoñer ata o 70% do investimento total da actuación, encargándose da parte restante os propios consistorios. No caso da Mariña, a dotación aportada polo Executivo galego alcanza os 129.803,15 euros, sendo beneficiados os concellos de Alfoz, O Valadouro, Xove e O Vicedo.
No caso dos concellos de Xove e O Vicedo coas achegas recibidas acometerán senllas auditorías de optimización enerxética coa que se analizan as instalacións de iluminación pública dispoñibles no municipio.
No tocante ao Valadouro, as obras que se levarán a cabo afectarán fundamentalmente ás dotacións da Praza de Santa María e á Avenida de Viveiro. As actuacións consistirán na substitución de luminarias existentes por outras luminarias de maior nivel de rendemento lumínico e de alta eficiencia enerxética. Ademais, instálase novo cadro eléctricos que permitirán un maior control das instalacións, activándose o seu funcionamento mediante un reloxio astronómico. A redución do consumo enerxético nestas dotacións coa renovación dos dispositivos chega ata o 50%.
Raquel Arias destacou “o compromiso do Goberno galego para fomentar o aforro e eficiencia enerxética e as enerxías renovables”, con obxectivo de lograr “un maior aforro de enerxía primaria ao tempo que reducimos as emisións de CO2 á atmosfera”.
Ao respecto, lembrou que Economía e Industria tamén incentiva iniciativas que promoven o uso racional da enerxía e, en xeral, a óptima xestión dos recursos enerxéticos, nos distintos sectores económicos de Galicia, como a pesca e a agricultura, o transporte e a industria.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
