ALFONSO FUENTE ASEGURA QUE A CALIDADE DA AUGA DA PRAIA DE AREALONGA É EXCELENTE, SEGUNDO SE DESPRENDE DAS ANALÍTICAS REALIZADAS POLA CONSELLERÍA DE SANIDADE. O REXEDOR ASEGURA QUE AS CRÍTICAS DO BNG ESTÁN A PERXUDICAR SERIAMENTE AO TURISMO E AO SECTOR HOSTALEIRO DE BARREIROS.
Barreiros, 7 de agosto de 2012. O alcalde de Barreiros, Alfonso Fuente Parga, asegura que a calidade da auga da praia de Arealonga é excelente, segundo reflicten as analíticas realizadas pola Consellería de Sanidade. O rexedor nega as críticas verquidas nas últimas horas desde o BNG, “non hai problemas de verquidos nese areal e a depuradora de Reinante está a funcionar perfectamente”. O alcalde asegura que as críticas dos nacionalistas están a perxudicar seriamente ao turismo e ao sector hostaleiro de Barreiros.
O rexedor sinalou que “si collemos a hemeroteca da prensa ou de calquera radio vemos que todos os anos o BNG por estas datas quérese facer notar, querer dicir que está aí. É curioso que non diga que está aí o seu vicepresidente da Deputación de Lugo, o señor Antonio Veiga, que diga que está aí para ter as carreteras da Deputación limpas, que diga que está aí para facer investimentos no noso concello. O BNG sempre sae para tentar perxudicar ao equipo de goberno do Concello de Barreiros, é unha cortina de fume para evitar falar da situación na que se atopan as estradas provinciais no noso municipio”.
Fuente Parga insiste en que “a depuradora de Reinante está a funcionar correctamente, e non hai problemas de verquidos. Onte tanto o concelleiro de Medio Ambiente coma eu mesmo nos poñíamos en contacto cos hostaleiros da zona e nos dicían que precisamente este ano está mellor que nunca”. O alcalde barreirense lembrou que “fixemos unhas obras de reparación nesa depuradora, porque precisamente chegado mediados de agosto sempre había algún problema de cheiros que non de verquidos contaminantes, porque son dúas cousas distintas. Os cheiros prodúcense ás veces pola noite, porque se trata dunha depuradora que ten unha balsa descuberta, igual que todas as instalacións destas características que temos no noso concello, e hai vivendas cerca e entón produce algún cheiro”.
O rexedor subliña que “non hai ningún problema de contaminación das augas na praia de Arealonga, porque as analíticas que fai a Consellería de Sanidade así o din. Eses resultados falan dunha calidade excelente, que é o que nos piden para bandeira azul. Ademáis este ano non se rexistraron esas balsas que se producen ás veces na saída dos regatos, e isto é un regato. Non hai verquido, isto é un regato de toda a vida que ven de Reinante dos montes e un pouco máis arriba da súa desembocadura está unha depuradora, pero non hai problema ningún de verquidos e está a funcionar perfectamente esa instalación”.
Alfonso Fuente Parga asegura que non se están a producir problemas no abastecemento de auga a Barreiros, “outros anos nestas datas en Reinante podíamos ter algún problema de abastecemento, pero este ano non está a haber problemas. Ademáis éste está a ser un ano dunha grande seca, igual que ocorreu durante o inverno. Creo que estamos a facer as cousas ben, se fai o que se ten que facer e o BNG chega o verán e para dicir que está aí saca algunha cuestión deste tipo”.
Para o alcalde de Barreiros “o único que están a facer os nacionalistas é perxudicar ao turismo e aos hostaleiros do noso concello. Todo o que din non é certo, porque si fose así o asumiríamos e o arranxaríamos. Esto fáille un daño tremendo a Barreiros, porque cando hoxe alguén vise na prensa que en Arealonga hai un verquido grande os turistas poden decidir non ir alí. Eu o que lles digo aos turistas e visitantes dese areal é que poden ir tranquilos e bañarse. Non van atopar problemas de abastecemento de auga, nin de saneamento, que aproveiten para disfrutar dos nosos areais e do bó tempo que estamos a ter”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
