RIOTORTO APROBOU GARANTIR O PODER ADQUISITIVO DOS TRABALLADORES PÚBLICOS DO CONCELLO
Federico Gutiérrez Estoa afirmou que “estamos no Concello para defender aos nosos veciños e veciñas e non para aplicar medidas inxustas”
O BNG logra polo tanto que o Concello estude as medidas oportunas para que o poder adquisitivo dos traballadores do Concello non se resinta evitando o efecto indirecto sobre o consumo no concello e no tecido económico local, e polo tanto é o primeiro concello de Galiza en aprobar estas medidas
Riotorto, 7 de agosto de 2012. O pleno do Concello de Riotorto celebrado onte, cos votos a favor do BNG e a abstención do PSOE e votos en contra do PP, aprobou estudar e levar a cabo as medidas que sexan necesarias para que se manteña o poder adquisitivo dos traballadores públicos do Concello e compensar a perda que supón a retirada da paga de Nadal coas medidas que sexan necesarias. Neste camiño, o BNG sacou adiante a súa moción manifestando o seu rexeite ás medidas reguladas polo Real Decreto-Lei 20/2012, do 13 de xullo, que supoñen a eliminación da paga de Nadal, rexeitando a decisión de impor ás empregadas e aos empregados públicos, particularmente os vinculados aos concellos, novas perdas de poder adquisitivo, que terán un efecto indirecto sobre o consumo no concello e no tecido económico local e compensar a perda do poder adquisitivo das empregadas e dos empregados públicos municipais da maneira que sexa precisa.
Segundo afirmou Federico Gutiérrez Estoa, “nós estamos no Concello para defender aos nosos veciños e veciñas e non para aplicar medidas inxustas que os prexudican“ e ademais “por riba da lei está a xustiza e igual que non é de xustiza que a Xunta de Galiza deixe sen fondos para o servizo de axuda no fogar aos concellos de menos de 20.000 habitantes e teñamos que ser os concellos, coa axuda da Deputación, quen se ten que facer cargo deste servizo, en moitos casos coma o noso, desde a gratuidade para os usuarios, tampouco é de xustiza que se reduza o poder adquisitivo dos traballadores públicos posto que esta decisión vai na dirección contraria das políticas que se necesitan para saír da crise”.
O alcalde de Riotorto afirmou que “estamos diante dunha auténtica imposición, que no caso dos concellos socava a autonomía local, ao pretender facelos partícipes de medidas inxustas, das que moitas corporacións locais discrepan politicamente, polo que supoñen de atacar de novo dereitos consolidados de persoas traballadoras, ademais da súa inutilidade, como xa se ten demostrado. A nova redución retributiva ás empregadas e aos empregados públicos que se plasma no Real Decreto-Lei 20/2011 imponse dun xeito unilateral, malia que esa medida xa se ten ensaiado noutros momentos dentro de actuacións económicas contra a crise, e como resultado deu precisamente o contrario do que se perseguía. Nada indica na práctica que a redución salarial sobre as persoas traballadoras, entre elas as persoas que desenvolven o seu traballo no sector público, sexa unha medida que contribúe á reactivación económica, ao contrario, aínda resta capacidade adquisitiva á maior parte da poboación co que se resente o consumo e a actividade económica.
Na mesma liña, o nacionalista indicou que “no caso concreto do noso concello, estamos seguros de que eliminar a paga extra ás empregadas e aos empregados da administración municipal é unha medida profundamente inxusta e equivocada. Tamén no ámbito local, agravará aínda máis a crise pois reducir o poder de compra das empregadas e dos empregados públicos afectará moi negativamente a pequenas e medianas empresas, ao pequeno comercio, en xeral ao tecido económico deste concello. É por iso que vamos estudar todas as maneiras de lograr que a capacidade adquisitiva dos nosos traballadores públicos non se reduza”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
