O PP asegura que o plan de rebacheo da Deputación non é nada novo, senón que se trata unicamente de tapar baches

O denominado plan de rebacheo non é nada novo, senón que se trata unicamente de tapar baches que se van producinco na rede viaria, pero con cargo ao plan de conservación que con carácter plurianual foi contratado en 2010

A Deputación agocha a súa desidia nas tarefas de conservación da rede viaria presentando un plan xa publicitado en numerosas ocasións

 Moitas estradas de titularidade provincial presentan unha situación lamentable, feito moi indicativo da escasa actividade do Servicio de Vías e Obras, no que o máis destacable da súa actuación é exclusivamente tapar baches no firme das estradas.

 Este tipo de obras de mantemento eran feitas pola Deputación todos os anos na época estival, ata a chegada do goberno socialista – nacionalista, que dende o 2007 ata agora parece que non se deron conta de que eran necesarias

Lugo, 13-09-2012 – A Deputación Provincial de Lugo agocha a súa desidia nas tarefas de conservación da rede viaria provincial presentando un plan xa publicitado en numerosas ocasións. A portavoz provincial do Partido Popular, Elena Candia, fai estas declaracións en relación ao denominado plan de rebacheo, cuxas actuacións se están acometer dende o departamento que lidera Manuel Martínez, pero que non se trata de “nada novo”, senón que se realizan con cargo ao plan de conservación que con caracter plurianual foi contratado no ano 2010.

A portavoz popular explica que estes acometidos, consistentes en tapar baches e que se van producindo na rede viaria, acometéronse anualmente ata a chegada do PSOE e do BNG ao goberno da Deputación provincial, e que “nos últimos anos o PSOE e o BNG non se deberon dar conta da necesidade destas actuacións”. Agora, dado a escasa actividade da área de Xestión Territorial “adícanse a publicitar estas actuacións como unha novidade”.

Elena Candia asegura que é moi indicativo da inoperancia da Area de Xestión Territorial e en concreto do Servizo de Vías e Obras, que a actuación máis destacable que están a vender é a de “tapar baches nos firmes da estrada”. A popular explica que este acometido levase a cabo agora, dado que o ente provincial non acometeu melloras durante o tempo de vixencia dos contratos de conservacións o que provocou que algunhas calzadas presenten no día de hoxe unha situación lamentable e sendo numerosas as reclamacións postas de manifesto por parte dos veciños.

A portavoz popular tamén explica que resulta moi “chamativo” que agora se publicite abertamente o emprego de rego asfáltico con gravilla, cando o responsable de Vías e Obras, denunciou en numerosas ocasións a pouca idoneidade deste tipo de firme, decantándose pola utilización de aglomerado en quente. Esta nova actitude de Manuel Martinez demostra que “antes tampouco se facían as cousas tan mal”.