Dani Castro advirte que o Bloque estará vixiante para que a Xunta cumpra tras anos poñéndolle trabas a un parque que piden as propias empresas
Santiago de Compostela, 20 de marzo, 2026. A proposta do BNG, o Parlamento galego aprobou por unanimidade unha iniciativa para “instar á Xunta a implicarse no desenvolvemento do polígono industrial de Muras, axilizando os procesos administrativos para comezar canto antes a súa construción”.
O deputado da Mariña, Dani Castro, foi o encargado de defender a iniciativa na Comisión 6ª, na que instou o Goberno do PP a deixar de “poñer paos nas rodas” e impulsar dunha vez o parque, que o Concello demanda desde hai anos e que teñen solicitado expresamente empresas asentadas na zona.
En concreto, Castro referiuse a “dúas potentes empresas do sector do plástico” que xa teñen manifestado que precisan máis metros cadrados para desenvolver a súa actividade económica e que, namentres non se saca adiante o polígono, teñen que conformarse con “ir mercando as poucas finquiñas que teñen arredor”.
O BNG levou de novo a debate a reclamación de impulsar o polígono tras votar en contra o PP a unha iniciativa similar en 2022 e despois de anos de “comportamento un tanto estraño” por parte da Xunta, criticou o deputado nacionalista, lembrando que o Concello de Muras solicitou formalmente o polígono en 2018 e que desde entón o que fixo de xeito recorrente o Executivo galego foi pedir “informes e máis informes” que acababan “paralizando” o proxecto.
O deputado do BNG subliñou así mesmo o importante que é o polígono non só para Muras, un concello de tan só 600 habitantes pero cunha importante actividade ligada ao sector eólico, senón para o futuro de toda a comarca da Mariña na que, segundo datos da propia Xunta, se perderon nos últimos quince anos 600 postos de emprego industrial, pecharon numerosas empresas e onde “segue pendendo dun fío a maior potencia industrial”, subliñou en alusión a Alcoa.
“Fai falta empresa en toda a Mariña, en todo o País, pero sobre todo no rural”, recalcou Dani Castro, que criticou as trabas postas até o de agora pola Xunta ao polígono de Muras, máis tendo en conta que hai unha demanda real por parte das empresas. Unhas trabas que, deslizou, levan a preguntarse se o comportamento do PP na Xunta está relacionado con quen goberna en Muras.
Concello que, lembrou, veuse na obriga a reformar o centro de saúde ou a CEIP Antía Cal, “enteritos”, por falta de colaboración da Xunta.
Tras aprobarse a iniciativa, Castro salientou que o BNG se manterá vixiante para que o PP cumpra desde a Xunta co aprobado, aínda que sexa, ironizou, por interese de cara ás próximas eleccións locais.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
