O PSdeG-PSOE presenta en Lugo “a candidatura da xente e da igualdade de oportunidades”
– O secretario xeral do partido na provincia, José Ramón Gómez Besteiro, incidiu en que “Galicia necesita o cambio máis que nunca fronte á axenda oculta do PP, que dá a espalda a Lugo e crea unha sociedade só para uns poucos”
-“Feijóo é un presidente que nunca exerceu de presidente; exerceu de contable e por riba non lle saen as contas”, destacou Concepción Burgo, número un da candidatura por Lugo, que apostou por “falar coa xente, porque as cousas non teñen por que ser como son”
O PSdeG-PSOE de Lugo presentou hoxe a súa lista de candidatos ás eleccións nun acto que destacou pola unión e a representación de todos os estamentos do partido provincial, que arrouparon a candidatura feita “por e para Lugo” e que será “a candidatura da xente, dos pensionistas, os autónomos, os estudantes e da igualdade de oportunidades, que hoxe está amenazada”, segundo a definiu José Ramón Gómez Besteiro. O secretario xeral na provincia incidiu en que “Galicia necesita o cambio, que é máis importante e necesario que nunca”, fronte á “axenda oculta do PP” que “dá a espalda a Lugo e crea una sociedade só para unha pouca xente”. Besteiro destacou tamén que “á a candidatura que loitará para que haxa unha solución para Alcoa e que se alegrará cando se produza”.
Na mesma liña se pronunciou a número un da candidatura, Concepción Burgo, da que Besteiro recoñeceu estar “orgulloso, igual que de toda a lista, que é o mellor do partido na provincia”. Burgo asegurou que os candidatos por Lugo queren “falar coa xente, porque as cousas non teñen por que ser como son”, e referiuse a Feijóo como “un presidente que nunca exerceu de presidente. Exerceu de contable e por riba non lle saen as contas”, aseverou. A socialista incidiu en que Feijóo “sempre mirou para outro lado con Lugo” e amosou a súa preocupación pola continua despoboación no rural. “Non temos futuro se non poñemos freo a esa perda de poboación, e que mellor maneira de botar a xente do rural que pechando escolas”, asegurou.
Pensionistas, parados e mulleres
Burgo referiuse aos 120.000 pensionistas galegos ou os 27.000 parados lucenses, cun crecemento do desemprego do 32% na candidatura de Feijóo, ademais de preocuparse especialmente polas mulleres, “que sofren unha dobre crise, porque queren retirar os servizos públicos e que as mulleres volvan para casa”, dixo. “Non estamos dispostos a dar pasos atrás na igualdade”, destacou Burgo, que fixo referencia ao adianto electoral como “o xeito de tapar o que vai facer Rajoy despois das eleccións”.
Burgo insistiu en que o cambio hai que conseguilo “entre todos, como unha piña” e en que “é a política con maiúsculas o que pode cambiar o país”. Tamén o presidente do PSdeG, José López Orozco, falou da “candidatura do cambio e da solidariedade fronte aos que só saben falar de recortes”, para “devolverlle a esperanza e a ilusión a Galicia”. Orozco apostou por que “acabe dunha vez a mentira e a palabra que non di nada por unha de compromiso” con todos os cidadáns. “A solución está aquí, non na dereita”, rematou.
A candidatura provincial do PSdeG-PSOE por Lugo, que foi aprobada por unanimidade, estivo arroupada no acto polo deputado no Congreso José Blanco, o senador Ricardo Varela, deputados autonómicos, alcaldes e membros das executivas local e provincial do partido. A lista destaca pola súa absoluta renovación, cun 80% de caras novas, a grande experiencia política, formación e dilatada traxectoria profesional dos candidatos. Ademáis a lista, encabezada por unha muller, ten maioría feminina, con oito mulleres e sete homes.
Nela están representadas ademais todas as comarcas: : Lugo, A Mariña, Zona Sur, Terra Chá, A Ulloa e A Montaña, nunha clara aposta pola cercanía aos cidadáns, o equilibrio territorial e a atención a todos os sectores da poboación.
A candidatura responde ao compromiso do secretario xeral do partido na provincia, José Ramón Gómez Besteiro, de renovar, “mover banquillo”, e consolida a apertura dunha nova etapa no PSOE de Lugo que acenda o motor do cambio na Xunta. O obxectivo é abrirlle as portas do futuro á provincia, a máis castigada polo actual goberno autonómico, e implantar o modelo das conquistas sociais e os servizos públicos, desterrado pola neodereita de Feijóo.
CANDIDATURA PROVINCIAL LUGO PSdeG
CONCEPCIÓN BURGO LÓPEZ
JUAN CARLOS GONZÁLEZ SANTÍN
JOSÉ RAMÓN VAL ALONSO
RICARDO VICENTE DOCASAR DOCASAR
MARÍA ELBA VELEIRO FERNÁNDEZ
MIGUEL ÁNGEL FERNÁNDEZ LÓPEZ
HORACIO ROUCO FERRO
FE ÁLVAREZ SÁNCHEZ
LETICIA SEARA LOSADA
MARÍA LOUREIRO GARCÍA
SANDRA FREIRE DEL VALLE
ROBERTO CASTRO GONZÁLEZ
MARÍA CARMEN GARCÍA CONDE
MARÍA DEL CARMEN CAPÓN TELO
ISMAEL REGO GONZÁLEZ
SUPLENTES:
PABLO NÚÑEZ GONZÁLEZ
MARÍA ISABEL RODRÍGUEZ LÓPEZ
JOSÉ CARLOS FERREIRO OTERO
EDUARDO VIDAL BAAMONDE
MARTA JATO DÍAZ
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
