O BNG VOTARÁ EN CONTRA DAS SUBAS DE TAXAS E PRESENTARÁ EMENDAS PARA CONXELAR AQUELAS TAXAS QUE AFECTAN DIRECTAMENTE NO CAMPO SOCIAL E NA CALIDADE DE VIDA DA CIDADANÍA.
O PP MANTIVO CONXELADA A ACTUALIZACIÓN DE TAXAS EN ÉPOCA DE BONANZA ECONÓMICA E POLA CONTRA AGORA CREA NOVAS ORDENANZAS E SÓBEAS MASIVAMENTE CANDO MAIS DIFICULTADES TEN A POBOACIÓN PARA CHEGAR A FIN DE MES.
OS NACIONALISTAS INSTAN AO GOBERNO MUNICIPAL A REBAIXAR OS GASTOS DO GRUPO DE GOBERNO E RECORTAR EN GASTOS DE PROPAGANDA.
Cervo, 30 de outubro de 2012. O BNG anunciou o voto en contra da suba do 3,4% en 17 ordenanzas fiscais que o goberno levará ao pleno desta tarde, ademais anunciou que presentará emendas para a conxelación desta suba naquelas ordenanzas que afectan directamente ás economías familiares para manter a calidade de vida da cidadanía en servizos tan importantes como o saneamento, auga ou actividades deportivas. Os nacionalistas instan ao grupo de goberno a rebaixar os gastos do grupo de goberno xa que de sete concelleiros, seis cobran das arcas públicas ao tempo que lle piden recortes nos gastos en propaganda e gabinetes de prensa.
O BNG anunciou o voto contrario á suba nun 3,4% de 17 ordenanzas fiscais e presentará emendas para a conxelación daquelas que inciden na calidade de vida das familias xusto nun momento no que é difícil chegar a fin de mes con un ou varios dos seus membros en paro ou con salarios conxelados que non acompasan os seus ingresos á suba real dos prezos.
Os nacionalistas critican que o Partido Popular de Cervo tivera conxelada a actualización de taxas en época de bonanza económica ou por coincidir con períodos electorais, mentres agora no momento no que moita xente está a pasar por graves dificultades económicas dende o goberno local fáiselles pagar por servizos moito mais do que pagaban cando os seus ingresos eran superiores.
O BNG lembrou que as medidas de axuste impostas polo PP, tanto no nivel estatal, como galego impoñen reducións do déficit público que afectan directamente á cidadanía con recortes nos servizos públicos, ausencia de estímulos para a reactivación económica, suba de impostos indirectos como o IVE ou planos de axuste ás entidades locais que teñen como consecuencia mais desemprego, peche de empresas e negocios autónomos e un adelgazamento en xeral da calidade de vida dos cidadáns que pagan a factura dunha crise da que non son culpábeis.
O BNG bota en falta nas medidas do grupo de goberno do PP de Cervo para a redución do gasto do grupo de goberno, como o BNG lles solicitou en reiteradas ocasións, seis dos seus sete membros cobran das arcas municipais e multiplican as reunións das xuntas de goberno elevando as previsións iniciais dos seus ingresos por asistencia a estas reunións en case un 100%.
Igualmente lembraron que o PP negouse a admitir unha emenda do BNG aos orzamentos 2012 que pedía a redución a cero dos 48.000 euros previstos para gastos protocolarios e de propaganda e que estes foran destinados a recortar o impacto das subas das ordenanzas fiscais do Punto de Atención Infantil, Servizo de Axuda no Fogar e Escolas Deportivas.
Os nacionalistas criticaron que o grupo de goberno siga mantendo o gasto dun gabinete de prensa que traballa a tempo completo nas instalacións municipais, usando as instalacións e equipos municipais cando debería ser un gasto prescindíbel.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
