A CIG ENSINO FAI UN CHAMAMENTO Á FOLGA A TODO O PROFESORADO DA MARIÑA
“Para frear os continuos ataques que o PP está a facer contra o ensino público, galego, universal e gratuíto”
Ribadeo a 12 de novembro de 2012.-
Está sendo unha evidencia que a crise económica sérvelle de pretexto ao actual goberno da Xunta e do Estado Español para deteriorar, desmantelar, recortar e privatizar os servizos públicos e empeorar a calidade do ensino. Con esta folga a CIG Ensino quere combater a contrarreforma educativa que pretende avanzar na privatización e na mercantilización da educación así como na españolización do sistema educativo galego. A contrareforma educativa vai no camiño de conformar un ensino elitista e clasista para impedir o acceso das clases populares á educación, liquida a xestión democrática dos centros e recorta os dereitos laborais e profesionais do profesorado, desvalorizando, aínda máis, o seu traballo. Unha contrarreforma coa que o PP pretende seguir subvencionando totalmente os centros que segregan alumnado por razón de xénero e reforzar a confesionalidade, ao continuar a materia de relixión formando parte do currículo escolar. Procúrase un sistema educativo cada vez menos equitativo, eliminando o dereito universal á educación e desbotando a igualdade de oportunidades para todos e todas.
Para a CIG é imprescindible que todos nos ergamos contra a política demoledora do PP ao ensino público. O recorte permanente do profesorado nos centros, a destrución de máis de 2.000 postos de profesorado, o despedimento de miles de interinos/as, a obriga de impartir materias afíns a máis de mil profesores/as, o incremento do horario lectivo do profesorado, o aumento do número de alumnado por aula, a supresión de 332 unidades e peche de 47 centros no ensino público, o agrupamento de alumnado de diferentes idades e niveis en 132 unidades, a liquidación do programa de Preescolar na Casa, a redución de 425 millóns de euros nos orzamentos nos tres últimos exercicios,o desvío, cada ano, de 250 millóns de euros ao ensino privado, dentro do que se insiren os centros que segregan alumnado por razón de sexo; a creación de 27 unidades no ensino concertado e a continuación do asañamento coa nosa lingua, coa redución dos orzamentos dos equipos de normalización nun 69%, ao mesmo tempo que se desfixo dos libros de texto por estaren en galego, despois de ter desembolsado entre 5 e 8 millóns de euros.
Na Mariña todas estas medidas concrétanse en que desde que Feijoo chegou ao goberno da Xunta os centros de primaria e de secundaria da Mariña reduciron as plantillas en case 100 profesores/as menos, suprimíronse máis de 10 unidades escolares, pecháronse catro escolas unitarias e varios comedores escolares, elimináronse ciclos formativos de formación profesional, diminuíron os recursos para comedores escolares, para bibliotecas, para normalización lingüística ou para axudas de libros. Neste curso escolar, os centros de secundaria da Mariña contarán con 42 profesores menos que o curso pasado habendo o mesmo ou un número de alumnos superior e máis do 25% do profesorado terá que impartir outra materia diferente da súa especialidade. Isto repercute claramente na calidade educativa e promove máis fracaso escolar e máis conflitividade nos centros.
Desde a CIG pensamos que temos que facerlle fronte e parar esta barbarie devastadora dos dereitos laborais, sindicais e profesionais de todos os empregados públicos e do profesorado en particular, ampliando noso horario lectivo mentres aumenta o alumnado por aula; reducindo o noso salario en máis dun 20%, non cubrindo as baixas de menos de 15 días, eliminando a paga extraordinaria de Nadal, subindo a cotización á mutualidade, descontando máis salario nas baixas laborais ou liquidando na práctica a posibilidade da xubilación anticipada. Temos que rebelarnos, tamén, porque o Goberno do estado pretende aprobar uns orzamentos para o ano 2013 que continúan conxelando o noso salario sobre a redución que vimos soportando desde xullo de 2010, e que, na práctica, imposibilita a creación de novos postos de traballo de profesoras e profesores pois séguese limitando a oferta de emprego ao 10% das prazas que queden vacantes cando temos os índices de paro máis altos de toda historia de Galiza, case 300.000 parados/as.
Por todo isto facemos un chamamento a todo o profesorado da Mariña e a comunidade educativa en xeral para apoiar e participar na folga xeral convocada por todos os sindicatos para o día 14 de novembro.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
