A Deputación favorece a comercialización de produtos autóctonos e artesáns impulsando o II Mercado Tradicional de Vieiro
– A Vicepresidenta Segunda, o rexedor e a primeira tenente de Alcalde de Viveiro presentaron no consistorio a feira, que se celebrará este sábado fronte á igrexa e contará con unha vintena de produtores de toda a provincia e da Coruña
– O organismo provincial concedeu este ano 100.000 euros euros para a celebración de 25 certames encamiñados a promocionar os produtos da provincia
A Vicepresidenta Segunda da Deputación, Lara Méndez, xunto ó Alcalde, Melchor Roel, e a primeira tenente de Alcalde do Concello de Viveiro, María Loureiro, presentaron este xoves na Sala de Xuntas do consistorio viveirés a segunda edición do Mercado Tradicional da parroquia de Vieiro, que se celebrará o sábado fronte a igrexa parroquial da localidade e contará con unha vintena de postos de produtos autóctonos. Méndez destacou que a Deputación respalda de novo a celebración desta feira polo que supón de “escaparate para difundir a calidade e variedade dos cultivos e da artesanía da provincia, e porque lles abre novas vías de comercialización”, uns obxectivos nos que a institución luguesa traballa intensamente.
Entre os expositores que participarán no mercado, destacan os que poñerán á venda produtos de temporada, como castañas, noces ou mel, pero tamén haberá cultivos de horta ou panadería, así como artigos de artesanía téxtil e de coiro. Os produtores proceden de municipios mariñanos, como Cervo e O Valadouro, pero tamén do resto da provincia –Friol e Vilalba, entre outros-, e incluso de fóra, xa que haberá un produtor da Coruña. Este ano, como novidade, os asistentes dispoñerán dun posto de polbo.
Pola súa banda, o Alcalde vivariense, quen desculpou a ausencia do organizador da feira, Jesús Chao, por motivos laborais, lembrou que o Concello decidiu apoiar o mercado facilitando a infraestrutura necesaria, e á súa vez xestionou a colaboración da Deputación, “no marco do noso labor para potenciar ós produtores e artesáns, en definitiva, dos autónomos, que incluso fan estes traballos como complemento da súa actividade profesional”. Melchor Roel destacou así mesmo que o apoio da Deputación súmase ó prestado para retomar a Feira de Pascua de Covas, “unha tradición que se perdera, e na que cada vez participan máis produtores, artesáns e público”.
A organización da feira é froito da inquietude de Jesús Chao da Silva por dinamizar a parroquia de Vieiro, que conta con preto de 500 habitantes. “Fun presidente da asociación veciñal durante anos e sempre estiven vinculado a este tipo de eventos. O que quero é ofrecerlles ós veciños alternativas de lecer, ademais de crear un atractivo para que o pobo se encha de xente”, indicou Chao, quen engadiu que a idea tivo “moi boa acollida” na zona. Chao Silva animouse a reeditar o encontro polo éxito de público da primeira edición, que estivo “por encima das miñas expectativas iniciais”, así como polo apoio que lle prestaron Concello e Deputación.
Intensa promoción dos produtos autóctonos
A Deputación respalda o primeiro Mercado Tradicional de Vieiro no marco da súa decidida aposta por poñer en valor, difundir e mellorar a comercialización dos produtos da provincia como unha vía para revitalizala zona rural e frear a grave perda de poboación que está a padecer. Neste senso, a institución luguesa, a través do INLUDES, concedeu neste ano 2012 máis de 100.000 euros para a celebración de 25 certames encamiñados a promocionar produtos autóctonos, como por exemplo: a Festa do Percebe de Celeiro; O Mercado Renacentista de Viveiro; a Festa do Berberecho de Foz; ou a Feira de Produtos Artesanais e Ecolóxicos Produart (PRODUART) de Burela.
11 empresas mariñanas venden por Internet
Outra das actuacións básicas que a institución provincial impulsou co mesmo fin foi a posta en marcha da plataforma de comercio electrónico www.losproductosdelugo.com á que xa están adheridas medio cento de empresas lucenses, das que 11 son da Mariña. Este primeiro centro comercial virtual da provincia, creado a través do programa europeo Innova-TE, conta cun apartado específico e destacado para os produtos autóctonos. A plataforma aumenta as posibilidades de incrementar o volume de beneficios das empresas ó abrirlles novos mercados e facilitar as vendas, pois os clientes poden comprar as 24 horas do día, os 365 días do ano. Este portal non ten límite de empresas, nin de oferta de produtos.
Garantía de calidade
A Deputación creou así mesmo a marca de calidade Lugo Sabe, coa que contan a día de hoxe 35 empresas agroalimentarias da provincia, das que 9 son mariñanas. Os seus produtos están á venda en tendas da cadea de supermercados Cemar, en Cafestore e La Palloza Gallega. Neste senso, a Vicepresidenta Segunda invitou a todos os produtores a sumarse tanto á marca Lugo Sabe, como á plataforma de comercio electrónico, pola promoción e novas oportunidades de comercialización que levan consigo.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).