A XUNTA DE PERSOAL DA ÁREA NORTE DA MARIÑA, acordou por unanimidade, emitir un pronunciamento de apoio á convocatoria de FOLGA XERAL do 14-N, ante as políticas de recortes sociais e supresión de dereitos dos traballadores e traballadoras decretadas polo Goberno. Unha convocatoria que se produce no marco da Xornada de Acción e Solidaridade Europea, para esixir ao Goberno o cambio da súa política económica e social.
A Xunta de Persoal reclama que se poña fin aos recortes sociais e esixe un cambio radical das políticas que se están aplicando para enfrontar a crise, porque “non serven para crear emprego; agravan a situación económica e afúndennos na recesión; renuncian a una política fiscal que mellore os ingresos do Estado; debilitan a protección social e as políticas sociais; contribúen a agrandar a pobreza e a exclusión e prexudican á maioría da sociedade e solo benefician ás elites económico-financeiras”.
Fronte a iso, reclaman outra política que dea prioridade á reactivación económica e á creación de emprego, “dedicando especial atención á mocidade, que aposte por outro modelo produtivo, un desenvolvemento sostible, un sector industrial máis dinámico con maior inversión en I+D+i, un sistema educativo que garanta ao mesmo tempo calidade e equidade” e unha sanidade pública e universal na que a privatización non teña cabida.
Esixen ademais a “reversibilidade da reforma laboral” e que se reforcen as prestacións por desemprego, que se garanta a revalorización das pensións e que restablezan as políticas sociais e os servizos públicos como alicerces básicos do Estado de benestar.
Acordan promover a “rexeneración dos nosos sistemas democráticos”, que en Europa pasan, explican, por “refundar a UE a partir dun novo contrato social, unha verdadeira unión fiscal, económica, política e sobre todo social”. No caso do estado español, esa rexeneración, afirman “pasa por esixir ao Goberno que someta a referendo as políticas que está aplicando e que non figuraban no seu programa electoral”.
Por todo isto, fan un chamamento a secundar a folga e participar na manifestación en Burela ás 12h. con saída dende a estación de servizo Vista Alegre, porque “só seguindo na loita poderemos darlle a volta a estas políticas de ataque, entre outras, contra o emprego público”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
