FUENTE PARGA ASEGUROU QUE O CONVENIO ASINADO COA XUNTA E COA DEPUTACIÓN SEGUE O SEU CURSO HABITUAL. O REXEDOR ANUNCIOU QUE NAS VINDEIRAS SEMANAS DARÁN COMEZO NOVAS OBRAS NA REDE DE ABASTECEMENTO DE AUGA.
Barreiros, 10 de novembro de 2012. O alcalde, Alfonso Fuente, asegurou que o convenio asinado coa Xunta e coa Deputación segue o seu curso habitual. E anunciou que en breve se iniciarán máis obras no abastecemento de auga do concello. A devolución dun aval a un constructor non influirá para nada no desenvolvemento de dito convenio.
O rexedor aludiu ás declaracións que hoxe aparecen nun medio de comunicación sinalando que o Concello ten que reintegrar 63.000 euros a un constructor. Fuente Parga subliñou que “non é así, neste caso o que pasou é que este constructor no seu momento renunciou a facer a obra para a que tiña concedida licencia, se acordou tal e como se recolle na propia sentencia reintegrarlle o imposto de construcción que eran 30.000 euros. Se lle reintegraron de mutuo acordo co propio constructor, despois de ver os informes que corroboraban que non se tiña iniciado a construcción”.
O alcalde de Barreiros explicou tamén que “este promotor tiña subscrito tamén o convenio co Concello para a execución do abastecemento de auga, pero él entendeu que no momento en que renuncia á licencia e se lle reitegra o importe da licencia hai que devolverlle o aval. Non son cantidades que tivera ingresadas o Concello, simplemente en base á sentencia se lle devolverá o aval ao considerar que este promotor xa non vai construir, non levará adiante a súa promoción neste concello. Xa se tiña falado con é no seu momento, pero non podíamos devolverlle este aval, só se podía facer a través de sentencia e ésta é a que se resolve agora”. Para Alfonso Fuente “trátase dunha situación normal completamente e non lle afecta para a nada á execución do convenio subscrito coa Deputación e coa Xunta de Galicia”.
O rexedor engadiu que “todo sigue adiente. Hai uns días que mantivemos un encontro en Santiago para sacar adiante esto. A partires do mes de decembro o proceso seguirá o seu curso, dentro duns días se verán mais obras do abastecemento do auga e mellorando todo. Esto non cambia nada, e as arcas municipais non sufrirán ningún perxuizo porque estas cantidades non foron ingresadas, este aval non foi executado, se lle devolveu o documento do aval ao constructor e nada máis, sen ningún outro inconvinte. Os cartos nunca entraron nas arcas municipais e nunca van sair”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
