NO PLENO DE MAÑÁ SOMETERANSE A APROBACIÓN AS MODIFICACIÓNS DE DÚAS ORDENANZAS E TAMÉN UN EXPEDENTE DE MODIFICACIÓN ORZAMENTARIA, ENTRE OUTROS ASUNTOS.
Burela, 28 de novembro de 2012. No pleno que se celebrará mañá no Concello de Burela someteranse a aprobación a modificación da ordenanza municipal de tráfico, circulación de vehículos a motor e seguridade vial e a modificación da ordenanza reguladora da taxa pola ocupación de edificios ou dependencias municipais.
Desde o equipo de goberno explican que “a modificación da ordenanza municipal de tráfico implicará mellorar os servizos que ofrecemos aos veciños, porque algúns estaban solicitando vaos para poder acceder a solares, fincas que teñen todos os servizos (beirarrúa, alumeado, auga, etc.) porque aínda hai moitos solares no casco urbano de Burela que se destinan por exemplo a cultivos agrarios e non se pode acceder a eles cun coche e un remolque porque a ordenanza tal e como está non o permite. Entón hai veciños que piden licenza de vao para poder acceder a eses solares e esa modificación da ordenanza facilitaralles precisamente o acceso con vehículos rodados aos solares”.
A modificación da ordenanza de uso dos locais municipais suporá que queda restrinxido ás agrupacións que están legalmente constituídas e rexistradas e para entidades. “Estabamos detectando usos non moi coherentes coa natureza dos locais municipais, que deben servir para actividades de tipo cultural, de difusión de eventos, etc, pero non para certos cometidos que vimos que se estaban producindo desde a entrada en vigor da ordenanza tal e como está. Non era en gran cantidade, pero isto convén atallalo canto antes”, sinalan desde o equipo de goberno.
Outro dos asuntos que se abordará na sesión plenaria de mañá, xoves, someterase a aprobación a proposta de nomeamento dos representantes dos distintos centros educativos. Desde o equipo de goberno indican que “nos consellos escolares seguirán os mesmos representantes do Concello que había ata o de agora, pero nomearase un máis no consello escolar da escola municipal de música, que se constitúe agora a raíz de que o ano pasado aprobaramos o regulamento de funcionamento da escola. Desde o Concello nese consello escolar estará a concelleira de cultura e educación, Mónica Pedre”.
O orde do día do pleno tamén inclúe un expedente de modificación orzamentaria que ten que ver co Plan de Obras e Servizos da Deputación Provincial de Lugo. “No orzamento deste ano existía consignación orzamentaria para o POS, pero como a Deputación pasou o ano e non deu sinais de vida no que se refire ao POS ata hai quince días chegamos a pensar que este ano non ia haber dito plan de obras de servizos. E nosoutros por necesidades orzamentarias tivemos que esgotar esa partida entón agora hai que xerar crédito para poder aceptar o POS deste ano” e engaden desde o equipo de goberno de Burela que “ademais a Deputación veu con presas porque onte tivemos que ter todo en Lugo, o que obrigou a un traballo adicional. Non entendemos como pode ocorrer isto na Deputación Provincial, é o primeiro ano que pasa isto. Antes o POS como moi tarde en xuño estaba andando. A obra que vamos incluír para o Plan de Obras e Servizos deste ano é o acondicionamento parcial do camiño de Cotos a Ril”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
