Cervo traballa en Fitur para atraer novos turistas e visitantes
Cervo, 31 de xaneiro de 2013-O alcalde, Alfonso Villares e a edil de Turismo, Begoña Alonso, atópanse estes días en Fitur co dobre obxectivo de explotar A Mariña como un destino turístico completo, atractivo e diferente así como explorar novos métodos para divulgar o potencial da comarca en xeral e de Cervo en particular. A Mariña estase promocionando dentro do pavillón de Galicia, onde está diferenciada como xeodestino http://www.turgalicia.es/blog/turgalicia-noticias-2/la-xunta-presenta-el-mapa-de-geodestinos-de-galicia/?lang=es, o que significa que A Mariña ten un espazo propio baixo o paraugas de Turgalicia.
O alcalde de Cervo, Alfonso Villares, destacou hoxe a importancia de “ter presenza en Fitur”, unha feira que nos permite “por unha banda dar visibilidade á Mariña” e pola outra “estar en contacto directo con todos os axentes implicados no sector turístico”. O rexedor explica que unha parte moi relevante do traballo que están desenvolvendo en Fitur é “falar e relacionarnos cos visitantes da feira, ofrecéndolles o noso concello e a nosa comarca como un lugar único no que poden atopar todo o que buscan, dende a praia ata a montaña, dende as festas tradicionais ata as novas iniciativas de turismo de experiencias e sensacións, unha excelente gastronomía, un rico patrimonio histórico e cultural e en definitiva, un destino por descubrir”.
Villares asegura que nestes dous días xa se achegaron ao xeoespazo da Mariña multitude de persoas “ás que pretendemos captar como turistas potenciais ou como inversores e que sempre nos atopan dispostos a explicarlles todos os atractivos dos que dispoñemos como territorio”.
Neste sentido, o mandatario cervense destaca tamén a oportunidade que brinda Fitur para coñecer e tratar con personaxes coñecidos e mediáticos, “aos que estamos trasladando o encanto da nosa comarca, porque eles teñen un papel moi importante á hora de divulgar A Mariña dende os seus ámbitos particulares de traballo”. Villares asegura que “estamos deixando as portas abertas da Mariña para que entren todos os que desexen coñecernos e vivir experiencias diferentes como as que se poden ter nas rutas de artesanía ou no Mes da Maxia”. O meteorólogo Martín Barreiro, o xornalista e director de informativos non diario de RTVE, Jenaro Castro ou o físico da USC e integrante do consello de sabios do programa da TVG “Cifras e letras”, Jorge Mira, son algúns dos personaxes coñecidos que saíron do stand de Turgalicia coa recomendación de visitar Cervo e A Mariña.
Este labor de promoción a través do contacto directo compleméntase coa asistencia a presentacións de proxectos, iniciativas e actuacións postas en marcha na Mariña e noutros territorios co obxectivo de coñecer máis métodos, prácticas e estratexias de impulso turístico.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
