O BNG DE FOZ LAMENTA QUE O PP DE FOZ NON APOIARA REUNIRSE COA CONSELLEIRA DE BENESTAR PARA FALAR DA RESIDENCIA DE FOZ E DOUTROS ASUNTOS SOCIAIS DO CONCELLO
Foz, a 31 de xaneiro de 2013.- O BNG de Foz cualifica de lamentable a actitude do alcalde de Foz, O Sr. Castiñeira, e do seu grupo de goberno votando no pleno de onte en contra de solicitar unha entrevista coa Consellaría de Benestar da Xunta de Galiza para falar dos servizos sociais do Concello. A moción da solicitude saíu adiante a pesar da oposición do PP de Foz e esperamos que a Conselleira atenda a petición da Corporación o máis pronto posible.
Nesta entrevista o BNG quere saber de primeira man cales son os plans da Consellaría en canto á construción da Residencia de Terceira Idade e do Centro Día posto que despois de máis de catro anos de goberno do PP non hai feito máis que un anteproxecto. Na entrevista tamén se lle pedirá un aumento das prazas ofertadas posto que corenta son insuficientes e que a xestión sexa totalmente pública. Outros temas a abordar son a ampliación da escola infantil “galiña azul” posto que todos os anos quedan sen praza aproximadamente 30 nenos e nenas. A solución sería habilitar o piso superior e ampliar unha unidade de infantil como se ten aprobado xa en pleno por todos os grupos.
No pleno de onte tamén saíron aprobadas, co voto en contra do PP, unha moción do BNG na que se demandaba o carácter gratuíto e universal das operacións de salvamento marítimo realizadas polo servizo de gardacostas de Galiza que o PP privatizou e garantir o envío dun buque de apoio loxístico e sanitario á flota pesqueira na costeira do bonito, que no ano 2012 o PP eliminou por primeira vez na historia e que este ano vai polo mesmo camiño.
O BNG votou en contra da pretensión de implantar un programa informático para a xestión electrónica da actividade administrativa do Concello dunha empresa privada –contratada non por un sistema negociado sen publicidade- que lles custará ao Concello 28.459 euros como mínimo. O voto en contra ven xustificado porque nos parece un despilfarro xa que existe unha ferramenta pública coas mesmas prestacións e que pon a disposición dos concellos a Deputación de Lugo de forma gratuíta.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
