O Concello repara sete camiños a través do Plan de Infraestruturas no Rural
-O arranxo e acondicionamento das pistas afectará a varias aldeas das parroquias de Rúa, San Román, Cervo e Lieiro
-As reparacións supoñen a mellora de 1.500 metros de vías rurais
Cervo, 22 de xaneiro de 2013-As obras de reparación e mellora de sete pistas do rural cervense comezarán esta semana. Os traballos afectan a unha lonxitude total de 1.500 metros de camiños das parroquias de Rúa, San Román, Cervo e Lieiro. Unhas melloras que acometerá a empresa pública Tragsa e que se inclúen no Plan Estratéxico de Infraestruturas no Medio Rural (PEIM) da Consellería do Medio Rural e do Mar. As sete actuacións teñen un orzamento total de 63.300 euros, que son financiados ao 100% polo departamento da Xunta.
En concreto, vanse realizar traballos de asfaltado no camiño de Árbol a Nogueira (Rúa), no camiño das Lagoas (Lieiro) e vanse acondicionar tamén con asfalto uns accesos en Cuíña (Cervo), no Eixo (San Román), e en San Tomé (San Román). Ao mesmo tempo está previsto acondicionar con zahorra a Chousa do Agro (San Román), así como mellorar co mesmo material a pista do Paraño (Cervo).
En todos os casos trátase de obras necesarias que nalgúns casos permiten abrir camiños, pavimentalos e facelos transitables para os vehículos “co que se pode facilitar o desenvolvemento do traballo diario e das tarefas cotiás” explica o alcalde, Alfonso Villares. “Percorrendo a zona rural de Cervo fomos escoitando as demandas da veciñanza e valorando o estado dos camiños” asegura Villares. Esta semana o rexedor, a edil de Medio Ambiente, Begoña Alonso así como técnicos municipais e responsables de Tragsa percorreron varios dos lugares onde se van acometer as tarefas para coñecer sobre o terreo os detalles das obras así como para falar coa veciñanza e explicarlles as medidas a adoptar. O primeiro camiño onde se van levar a cabo as obras é o de Árbol a Nogueira, onde se van asfaltar 760 metros de vía.
O rexedor destaca “a importancia de mellorar as vías de comunicación por estrada na zona rural e en especial as pistas interiores que serven como arterias principais dentro das parroquias e dos núcleos rurais”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
