Dende a Comisión Executiva do PSdG-PSOE de Burela queremos mostrar o noso asombro e sorpresa pola noticia que apareceu estes días nos medios de comunicación na que a concelleira de turismo ven de anunciar que levará a FITUR material divulgativo do locais hostaleiros de Burela a este evento.
En principio parécenos unha boa iniciativa que se den a coñecer ós establecementos do pobo nun evento destas características, como non podía ser de outra maneira, pero o que nos chama a atención é que a concelleira en cuestión teña pensado asistir a dita feira coa que está a caer no Concello onde non hai axudas para os clubs deportivos, nos teñen castigados sen luz, nos soben os impostos e as taxas e nos están recortando ata na recollida do lixo. Parece ser que si hai cartos para ir de viaxe a FITUR a pasar uns días a Madrid, e aínda encima vendendo que dende o Concello non se lles vai a cobrar nada por levar o material que van a preparar e pagar os propios locais hostaleiros, a nosa pregunta é a seguinte: ¿E logo que tiña pensado cobrarlles? ¿Os portes por levalos a Madrid? Realmente non parece nin serio nin de recibo este tipo de anuncios.
Esperemos que esta noticia sexa unha broma e a este “desgoberno” non se lle ocorra gastar os cartos de veciños, ós que tanto sacrificios se lles está a pedir, en viaxes mentres non se solucionen os problemas que mencionamos anteriormente, dende o PSdG-PSOE de Burela pensamos que se deben de ter prioridades e non vemos como unha prioridade neste momento ir pasar uns días a Madrid á conta dos veciños.
Como a nosa intención é a de ser construtivos, imos a darlle unhas ideas ó equipo de goberno para que a xente que veña de visita a Burela volva a visitarnos tentando que a imaxe que da o noso pobo ultimamente mellore. Vimos de detectar despois das denuncias dos veciños o lamentable estado de imaxe que ven adquirindo o pobo dunha temporada para aquí, e imos a poñer uns pequenos exemplos con probas gráficas para que non se diga que é mentira. Vimos de detectar nos contedores de aceite doméstico un abandono total, nalgún levan botellas almacenadas dende antes das datas do Nadal. Fincas sen limpar que fan que a imaxe do pobo non sexa precisamente a máis recomendable. Marquesiñas do autobús cheas de carteis pese a que a ordenanza municipal é clara sobre este asunto. Cubos de basura sen tapa deixando que o olor dos mesmos encha as nosas rúas da súa fragancia, etc, etc, etc….
Recomendámoslle ó equipo de goberno que se poña dunha vez a gobernar e se deixe de viaxes e gastos improdutivos que non benefician en nada ós veciños de Burela,entendemos que o Sr alcalde non se entere destes asuntos ó non vivir no pobo, pero debería de ter uns subalternos que ó puxeran ó día destas situacións.
Esta situación é máis grave tendo en conta que en breves datas nos van a visitar os altos cargos do seu partido, e non vaia a ser que se leven unha impresión tan mala como a que teñen os veciños e veciñas da xestión que está a facer o equipo de goberno, isto dicímolo polo ben do propio alcalde e do seu equipo de “desgoberno”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
