A ordenanza aprobouse en xuño co voto en contra do PP que presentou alegacións ao respecto sendo desestimadas polo bipartito local
Mondoñedo, 4 de xaneiro de 2013- O Partido Popular de Mondoñedo alerta de que a Ordenanza de Inspección Técnica de Edificios, aprobada co voto en contra dos populares, entra en vigor e os propietarios dos inmobles teñen de prazo este mes para a obtención do informe técnico correspondente que avala o estado das edificacións. Os populares fan estas declaracións co obxecto de manter informados aos veciños dado a irresponsabilidade do bipartito mindoniense que non foi quen de explicarlles aos veciños o que conleva a Ordenanza Reguladora da Inspección Técnica de Edificios.
A portavoz popular, Elena Candia, explica que o deber de conservación que impón esta ordenanza farase mediante a obtención por parte do propietario dun informe expedido polo técnico competente que consigne o resultado da inspección realizada. Así, explican os populares que son alcanzados por esta ordenanza todas as edificacións situadas no termo de Mondoñedo, con independencia do seu destino, que conten cunha antigüidade superior aos 50 anos ou se atopen catalogados ou protexidos polo Plan Xeral de Ordenación Urbana, Plans Especiais de Protección ou Catálogos. Así, quedan excluídas as que estean declaradas en ruína ou sometidas a expediente de ruína, mentres non exista resolución firme.
Os populares presentaron no seu momento alegacións solicitando que o custe fose ou ben a cargo do Concello ou ben correspondera a inspección a técnicos municipais; que foron desestimados polo equipo de goberno e sendo polo tanto os propietarios os que deben asumir os custes dos honorarios que roldan os 200 euros.
Neste senso, a portavoz popular, Elena Candia, explica que a ordenanza recolle un réxime sancionador por incumprimento, dado que o que non realice a inspección en prazo será sancionado cunha multa que estará entre os 300 a 6.000 euros.
Candia lamenta que a nova ordenanza, aprobada polo bipartito municipal co voto en contra do PP, funcione na práctica como un novo imposto a todos os veciños con edificación de máis de 50 anos, que deberán asumir do seu peto o elevado custe deste informe técnico, se queren pasar a inspección e evitar así a multa prevista en caso de incumprimento.
Ante esta situación, os populares están a estudar unha iniciativa para levar a pleno na que instarán ao equipo de goberno a que cando menos prorrogue o prazo para a realización do ITE.
Os populares denuncian que a alcaldía non só non é sensible ao contexto de dificultade actual polo que pasan moitas familias senón que ademais vese incapaz de buscar fórmulas alternativas que, garantindo a calidade e conservación das edificacións, non supoñan un prexuízo económico para os veciños.
Alegacións do PP
Candia lembra que no seu momento os populares presentaron alegacións a Ordenanza Reguladora da Inspección Técnicas de Edificios, nas que solicitaban que o custo derivado de obtención do correspondente informe ou ben fora a cargo do Concello ou ben correspondera esta inspección de edificacións aos servizos técnicos do órgano municipal.
Así mesmo, dende o Grupo Popular pedían a introdución dun novo artigo no que se establecía a elaboración por parte da Administración municipal dun Padrón de Edificios suxeitos a inspección. De igual maneira, engadían que no caso de que do informe do ITE resultara a necesidade de acometer medidas inmediatas de seguridade; se establecera unha orde de execución destas medidas fixando un prazo de concreción para a súa execución.
No caso de que os propietarios interesados nos procedementos de ordes de execución consideren que as obras de actuación que o Concello pretende ordear exceden os límites do seu deber de conservación; o PP solicitou que estes puideran solicitar subvencións que se preverían, no seu caso, por declaración do estado ruinoso da edificación.
As alegacións presentadas polo Grupo Municipal Popular foron rexeitadas polo bipartito de Mondoñedo, aprobándose esta ordeanza no pleno do 14 de xuño, co voto en contra do Partido Popular. Así, publicouse no BOP do 26 de xuño, entrando en vigor 30 días hábiles da súa integración no Boletín Oficial da Provincia e dispoñéndose dun prazo máximo de seis meses para a presentación do informe técnico.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
