A Plataforma de Afectados polos Abusos do Mercado Eléctrico denuncia que BEGASA se nega a cambiarlle o contador a un empresario de Viveiro a pesar de que non se poden ler as lecturas no display aducindo que eles non teñen problemas para acceder a ditas lecturas.
“Esta actitude de BEGASA coincide coa negativa sistemática da empresa a entregar certificados de lecturas de forma directa ós usuarios e obrigándoos a solicitalos a través da súa compañía comercializadora. Unha vez que o abonado solicita dito certificado a súa comercializadora non o recibe nunca ou como moito dita comercializadora limítase a contestarlle que verificadas ditas lecturas coa distribuidora todo está en orde e non remiten dito certificado ó que temos dereito”, explican dende a Plataforma. Actualmente a única forma de obter dito certificado é presentando unha reclamación en Industria e así obtelo pasado uns meses.
Desde a plataforma non entenden este empeño por parte de distribuidora e comercializadoras por impedir o atraso ó acceso ás lecturas oficiais en base as cales facturan ós abonados. “Entendemos que existe unha opacidade totalmente intencionada que soamente pode beneficiar á parte recadatoria do mercado en detrimento dos dereitos dos consumidores”, apuntan. E denuncian tamén por parte de la plataforma que “os novos equipos de Begasa non lle permiten ó cliente poder verificar ningún peche anterior, tendo que imaxinarse por aproximación cal era a súa lectura anterior.
“No caso deste empresario, verase agora obrigado a tramitar a súa reclamación a través de Industria para obter o cambio de contador, o que lle supón máis traballo e máis demora, no, solo para el senón tamén para unha administración totalmente saturada de expedientes”, denuncian.
Resposta a Alfonso Villares
Dende a Plataforma de afectados polos abusos do mercado eléctrico queren recordarlle ao alcalde de Cervo, Alfonso Villares, que a data tope para entrar no mercado libre era o 31 de xullo de 2009, e que a partir de dita data xa se empezaban a penalizar os contratos cun incremento no prezo do kilowatio do 5% trimestral. É dicir, ditos contratos deberían estar asinados xa dende xuño ou incluso maio para que en dita data non se sufrise xa a penalización.
“Segundo recoñece Villares – recordan dende a plataforma- en novembro de 2009 ditos contratos non estaban asinados, polo que cando presentou a documentación á Deputación xa levaba case cinco meses de penalización; e, ademais, dende setembro esta penalización xa era do 10%”. Dende a plataforma entenden tamén que un concurso público por lei leva tempo, polo que para cando se adxudicase dito concurso a penalización que estaría sufrindo o Concello xa sería do 15 % como mínimo. “Dende a plataforma cremos que Villares é responsable directo de ditas penalizacións que se pagaron co diñeiro público como el moi ben remarca; polo que nos preguntamos de que salario do erario público van saír os euros necesarios para resarcir ós veciños do Concello de Cervo”. Se o 5% do que é responsable a Deputación segundo Villares supoñen 7.000 euros, é lóxico pensar que o 10% anterior serían como mínimo 14.000 euros que pagou o Concello de Cervo.
Dende a plataforma animan a Villares a que se sume ás súas peticións en canto a solicitar a documentación dos contadores dixitais instalados no seu municipio e dos cales o Concello é o responsable por lei de que cumpran con todos os requisitos legais existentes. “Postos a aforrar, o verificar que ditos contadores non están homologados podería supoñer o pedir a anulación de todas as lecturas emitidas en base ós mesmos, é dicir suporía anular toda a facturación emitida en base ás lecturas aportadas por ditos equipos de medida. Entendemos que esta debería ser unha prioridade para o Concello, xa non só por cumprir coa normativa vixente senón tamén polo importante da contía económica a reclamar, pagada por suposto co diñeiro público”, engaden.
“Solicitamos por tanto por parte do Concello que inicie a solicitude de dita documentación á Xunta de Galicia, a pesar de que isto puidera supoñer un problema para os seus compañeiros da Xunta encargados de velar por que os contadores instalados na rede cumpran con todos e cada un dos regulamentos existentes”, afirman. Ademais, conclúen dicindo que “dende a plataforma non nos cabe dúbida de que o señor Villares mirará antes polos intereses dos veciños do Concello de Cervo que dos problemas que podería acarrearlle ós seus compañeiros da Xunta de Galicia”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
