ALFONSO FUENTE CONSIDERA QUE CHEGOU O MOMENTO DE FALAR DAS POSIBLES FUSIÓNS ENTRE CONCELLOS SIMILARES COMA É O CASO DE BARREIROS E LOURENZÁ. O REXEDOR CRE QUE HAI QUE EXPLICARLLES AOS VECIÑOS EN QUÉ CONSISTEN ESTES LABORIOSOS PROCESOS E COÑECER A SÚA OPINIÓN.
Barreiros, 20 de febreiro de 2013. O alcalde, Alfonso Fuente, considera que chegou o momento de falar das posibles fusións entre concellos similares coma é o caso de Barreiros e Lourenzá. O rexedor di que “non podemos é agardar a ver qué é o que nos impoñen desde Madrid ou que é o que nos impoñen desde outros sitios”.
Fuente Parga sinalou que “isto ben un pouco ao fío do que está a saír estes días deste anteproxecto que quere presentar o goberno central. Hai un tema que está aí e que pode estar encuberto en dito anteproxecto que é a fusión obrigatoria de concellos, ou a fusión xa case por desaparición porque podería chegar a desaparecer algún”.
O alcalde explicou que “retomando unha conversa que mantiven coa alcaldesa de Lourenzá e co alcalde de Trabada falamos dista posible fusión, o de Trabada recoñecía que Trabada ten máis caída cara Ribadeo. Pero este é un tema que non podemos deixar no caixón. Hai que abrir o caixón e falar desta cuestión porque o que sería malo tanto para Barreiros como para Lourenzá é que acabásemos tendo que ser fusionados á forza e sobre todo cun concello de maior entidade. Iso nos levaría a ser unha parroquia dese novo concello. Lourenzá e Barreiros, que teñen unha poboación similar, que estamos pegados e que xa estamos a compartir servizos, ao mellor tiñamos que empezar a falar abertamente disto. Tendo en conta a opinión de todos os veciños. A alcaldesa de Lourenzá fala de facer un referendo e a min iso me parece acertado, nunca facendo nada en contra da opinión dos veciños”.
O rexedor barreirense indicou que “debemos explicarlles aos veciños qué sucede cando se produce unha fusión de concellos, qué pasaría si se fusionasen Lourenzá e Barreiros, qué pasaría si nos unen a un concello coma Foz ou Ribadeo… neste caso case poderíamos falar de absorción. Hai que explicarlles cales son os pros e os contras deste proceso laborioso. Acabamos de ver cómo dous concellos da Coruña xa levan un tempo con todo isto”.
Para Alfonso Fuente Parga “hai que empezar a falar destes temas, non podemos estar máis tempo mirando cara outro lado e cando falo de Barreiros e de Lourenzá tamén haberá que falar doutros moitos concellos na provincia de Lugo. O que non podemos é agardar a ver qué é o que nos impoñen desde Madrid ou que é o que nos impoñen desde outros sitios. Hai que empezar a analizar esta cuestión e ao mellor nós temos tamén solucións moi boas que non nos teñen que explicar desde ningún sitio. Igual somos nós os que temos que dicirlle ao goberno do Estado ou á Xunta miren que nós sí que estamos de acordo, non queremos que nos impoñan nada, nos vamos arranxar aquí, imos suprimir un goberno municipal porque cremos que un é suficiente e deixaremos igual as dúas unidades administrativas para que os veciños non perdan nada e todo iso hai que analizalo. Estamos diante dun proceso lento, pero que hai que abordar e isto é o que eu poño enriba da mesa”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
