ANTONIO VEIGA PARTICIPOU NA PRESENTACIÓN DO PLAN ESTRATÉXICO DE TURISMO DE MONDOÑEDO
A Área de Turismo da Deputación sufragou este estudo “que permitirá aproveitar as potencialidades turísticas de Mondoñedo e dirixir con tino todas as iniciativas públicas e privadas para o beneficio do concello” – afirmou Antonio Veiga
O Plan Estratéxico servirá de base para a mellora do rendemento turístico e permitirá actuar de xeito coordinado na procura do máximo beneficio
Lugo, 8 de febreiro de 2013. Esta tarde presentouse na Casa da Xuventude de Mondoñedo o Plan Estratéxico de Turismo de Mondoñedo 2013-2017, un acto que contou coa participación do vicepresidente da Deputación de Lugo, Antonio Veiga, xa que desde esta institución sufragouse os custes de creación do proxecto. Tal e como destacou Veiga “este plan estratéxico permitirá aproveitar as potencialidades turísticas de Mondoñedo, que son moitísimas e enormes, e dirixir con tino todas as iniciativas públicas e privadas para o beneficio do concello”.
Veiga fixo estas declaracións na presentación aos medios de comunicación e aos hostaleiros e público en xeral deste plan, que contou coa participación de Orlando González, alcalde nacionalista de Mondoñedo; Xusto López, concelleiro de Cultura e Turismo de Mondoñedo e persoal encargado da redacción do proxecto. O vicepresidente da Deputación tamén asegurou que “antes de poñer en marcha iniciativas sustentadas con diñeiro público faise preciso estabelecer un plan de acción, que teña en conta as fortalezas e oportunidades turísticas que Mondoñedo posúe, e así facer que os recursos públicos cumpran coa súa función de xeito máis eficiente. Por iso desde a Deputación aportamos esta axuda para elaborar o Plan Estratéxico, porque cremos firmemente que será unha ferramenta que levará a un desenvolvemento turístico acertado para a cidade e o concello de Mondoñedo, polo que se abre unha vía de desenvolvemento económico para o municipio a través da mellora da actividade turística”.
Ademais, Antonio Veiga lembrou que desde a Vicepresidencia Primeira da Deputación de Lugo xa se teñen impulsado unha serie de actuacións que supuxeron unha importante mellora dos recursos turísticos do patrimonio inmaterial, entre as que destaca o centro cultural da Alcántara, grazas ao que a cidade conta cun novo espazo de exposición e aproveitamento cultural, educativo e turístico das figuras artísticas máis importantes da historia de Mondoñedo: Leiras Pulpeiro, Noriega Varela, Pascual Veiga, Cunqueiro ou o mestre Pacheco e os mestres de capela.
O Plan estratéxico de turismo de Mondoñedo nace da necesidade de dotar dun marco de referencia concreto a longo prazo que permita a articulación coherente de accións vinculadas ao desenvolvemento turístico no municipio, formulando estratexias e actuacións concretas que permitan incrementar a repercusión económica e social do turismo.
O Plan dá conta dunha serie de potencialidades a explotar coas que conta Mondoñedo e que son patentes, desde o valor patrimonial ao ser unha cidade histórico-artística de alto valor, cun casco histórico ben preservado e compacto con importantes edificios monumentais entre os que destaca a Catedral, xunto ao cemiterio vello, o barrio dos Muíños, a alameda dos remedios, o seminario, etc., e tamén un patrimonio inmaterial moi amplo porque é unha cidade da que saíron numerosas personalidades literarias, con Cunqueiro á cabeza, á vez que conta coas Covas do Rei Cintolo e moitos máis recursos naturais e paisaxísticos que poñer en valor.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
