Igualdade presenta un programa completo de actividades para conmemorar o Día da Muller Traballadora.
Cervo, 20 de febreiro de 2013-A Delegación de Igualdade xa ten confeccionado o programa de actividades que se desenvolverán o día 8 de marzo para conmemorar o Día Internacional da Muller Traballadora. Un conxunto de actos “moi participativos e cos que se pretende implicar á sociedade para reivindicar o importante papel da muller” explica a edil de Igualdade, Pilar Armada.
Por primeira vez, as tres asociacións de mulleres do municipio, Mulleres de San Ciprián, Asociación Alborada e Asociación de Mulleres Rurais As Espalladoras, colaboraron na organización dos actos, facendo cada unha as súas propias achegas “enriquecendo e facendo máis variado e completo o programa”, explica Armada. De feito, na presentación do cartel xuntáronse a edil de Igualdade, a de Xuventude, Yolanda Pedreira, e varias representantes das entidades colaboradoras como son a presidenta de Mulleres de San Ciprián, Amparo Pernas e a presidenta das Espalladoras, Inés Cobas.
Todos os actos estarán concentrados na tarde do venres 8 de marzo, o día marcado no calendario da ONU como o dedicado ás mulleres traballadoras e terán como lugar central a Casa do Mar. O acto de apertura desenvolverase ás 16:00 horas cunha homenaxe ás protagonistas do día, no que se dará a benvida, realizarase unha presentación e interpretarase unha peza cómica a modo de introdución.
Media hora despois dará comezo o “Café Bombón”, un acto de encontro con música ambiente no que se ofrecerá unha merenda con café e bombóns. De forma paralela as mulleres que o desexen poderán recibir unha limpeza de cute, para a que deberán estar apuntadas con antelación.
A media tarde, sobre as 19:00 horas, terá lugar a lectura de manifestos por parte das tres entidades de mulleres colaboradoras. Acto seguido arrincará un espectáculo no que se mesturará a maxia co humor e a historia. Trátase dun acto no que o grupo Trípode ofrecerá unha sesión de monólogos, Ramón Ares contará historias de risa e Jorge Manchado amosará as súas capacidades como mago. A Asociación Alborada é a organizadora deste evento.
Ás 22:00 horas celebrarase unha cea especial que terá lugar no restaurante Buenavista de San Cibrao e no que ademais de xuntarse, haberá un sorteo de agasallos entre todas as participantes. Unha cea posta en marcha por Mulleres de San Ciprián. Pero a xornada non rematará aquí, xa que a partir das 00:00 horas comezará o Gran Baile organizado pola asociación das Espalladoras.
Cabe destacar que hai actividades abertas e outras que requiren inscrición, como é o caso da limpeza de cute, que ten prazas limitadas, así como a cea. Para apuntarse é necesario dirixirse á Casa do Concello ou á Casa da Cultura e dar os datos persoais. O prazo está aberto ata o 6 de marzo.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
