A ALCALDESA DESTACOU A LABOR E OS LOGROS DE JOSÉ MARÍA LÓPEZ NOCEDA COMO REXEDOR MUNICIPAL E COMO PRESIDENTE DA MANCOMUNIDADE DE MUNICIPIOS DA MARIÑA. OS SEUS RESTOS MORTAIS ESTÁN SENDO VELADOS NA CASA DO CONCELLO E O FUNERAL SERÁ MAÑÁ, MARTES, ÁS CINCO DA TARDE NA IGREXA PARROQUIAL DE LOURENZÁ.
Lourenzá, 11 de febreiro de 2013. A alcaldesa de Lourenzá, Emma Álvarez Chao, destacou a labor e algúns dos logros de José María López Noceda durante a súa etapa de rexedor municipal e tamén como primeiro presidente da Mancomunidade de Municipios de A Mariña. Os seus restos mortais están sendo velados na capela ardente que quedou instalada esta mañá na Casa do Concello e o funeral será mañá, martes, ás cinco da tarde na igrexa parroquial de Lourenzá. A continuación o cadáver será incinerado na intimidade familiar.
Emma Álvarez explicou que “hoxe é un día triste en Lourenzá, declaramos dúas xornadas de loito oficial, hoxe e mañá, polo pasamento do que foi alcalde deste Concello durante 16 anos, José Mª López Noceda. Foi o primeiro rexedor da democracia aínda que el tomou posesión na etapa pre constitucional no ano 1973, un pouquiño presionado pola directiva de Banesto, que era a sucursal que el atendía aquí en Lourenzá”.
A actual alcaldesa destacou que “nesa etapa realizou xestións para adquirir terreos no Tremoal coa finalidade de construír o que hoxe é o CEIP Juan Rey. Promoveu a ampliación da ponte da Cazolga, debido a que os nenos tiñan que andar máis de seis quilómetros para poder coller o transporte escolar. Tamén xa neses anos iniciou o proxecto que culminaría coa posta en marcha da nova ubicación do mercado gandeiro comarcal. E o 3 de febreiro do 1974 iniciou o expediente de declaración de monumento histórico artístico do Mosteiro de San Salvador. Neste mesmo ano, ao non existir comisión de festas patronais, a Corporación constituíuse en comisión para que Lourenzá non quedara sen festas. Tamén se lle debe a López Noceda a colocación dos teléfonos públicos rurais, no ano 1976 promoveu o recoceñemento á pintora Julia Minguillón dunha rúa para o que cambiou o nome da glorieta San Miguel. Tamén creou a praza de abastos no campo da feira e logrou a reelectrificación do municipio. José Mª López Noceda promoveu a estrada comarcal que une San Xusto con Lourenzá”.
Álvarez Chao lembrou tamén que López Noceda “no 1979 accedeu de novo á Alcaldía, entrando xa na etapa constitucional dos concellos, e logrou a construción do polideportivo municipal, que leva o nome de José Antonio Terio Fernández, en recordo dun xove deportista falecido con tan só 13 anos de idade. Durante o seu mandato construíuse tamén a piscina municipal e tras gañar as eleccións locais do 1983 continuou ao fronte da Corporación e neste mandato houbo importantes logros como á adaptación dos locais para a nova Casa do Concello, a biblioteca, a Casa da Cultura e tamén os xulgados. Nesta etapa tamén se levou o abastecemento de auga a varias zonas do concello e no 1987, coincidindo co Día das Letras Galegas, promoveu o recoñecemento público a Francisco Fernández del Riego colocando unha placa na súa casa natal. Tamén impulsou a cultura e o deporte no noso concello axudando a botar a andar ao grupo de baile da asociación Osorio Gutiérrez e ao club de fútbol Atlético Lourenzá. Renunciou a Alcaldía no ano 1990 para iniciar unha nova etapa política como parlamentario autonómico.”
José María López Noceda foi ademais un dos impulsores da creación da Mancomunidade de Municipios de A Mariña, da que foi o seu primeiro presidente dende 1982 e “conseguíronse importantes logros, como a difusión do turismo na comarca, o servizo mancomunado de loita contra incendios, a recollida de lixo ou o centro de atención temperá”, explicou a alcaldesa de Lourenzá.
Onte, nada máis coñecer o falecemento de López Noceda a rexedora municipal púxose en contacto cos portavoces dos grupos da oposición “para propoñerlles ofrecer a Casa do Concello para instalar a capela ardente e pola súa parte non houbo ningún tipo de discrepancia e polo tanto desde hoxe ata mañá, martes, ás 5 da tarde vai ser velado aquí. Declaramos tamén dous días de loito oficial e no Concello están ondeando as bandeiras a media asta con crespón negro”.
Emma Álvarez rematou a súa lembranza de José María López Noceda explicando que para ela “é o alcalde co que máis identificada me sinto, posto que tendo en conta que nacín no 1974 e marchei estudar fora no 89 foi xusto a etapa na que el estivo de alcalde. A partir de aí, aínda que con Fe Rodríguez me une unha gran admiración e sobre todo podemos dicir que é coa que máis relación teño por estes anos nos que coincidimos como concelleiras, na súa etapa como alcaldesa foron os anos nos que eu estiven fóra, incluso vivindo noutro concello, e ao traballar tamén fóra de aquí, non volvín a retomar contacto coa corporación municipal ata que xa fun concelleira no ano 2007 con Vidal Martínez-Sierra na Alcaldía. Polo tanto José María López Noceda é o meu alcalde, por dicilo dalgunha maneira, posto que é do que máis oín falar cando era unha nena na casa e acórdome perfectamente de cando puxeron o teléfono e todos estaban agradecidos e dicían que grazas a Noceda tiñamos teléfono ou incluso tamén o abastecemento de auga”.
A alcaldesa anunciou que a capela ardente de López Noceda será visita pola delegada territorial da Xunta na provincia de Lugo, Raquel Arias, hoxe ás seis da tarde.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
