Orzamentos, responsabilidade e formas antidemocráticas
Na noite do pasado martes tiña lugar en Ribadeo unha sesión plenaria chamada a ser unha das máis importantes do ano pois un dos puntos da orde do día consistía na aprobación dos orzamentos para o presente exercicio.
Neste pleno quedou de manifesto, unha vez máis, a actitude ditatorial e irrespectuosa do Alcalde quen, ademais, aparece nos medios de comunicación ofrecendo unha imaxe do pleno que en absoluto se corresponde coa realidade. Resulta tan falaz a versión que conta aos ribadenses o Sr. Suárez como que lle achaca a crispación que se produce a Manuel Valín cando este non interveu en ningún punto neste pleno.
O Partido Popular ven de solicitar no día de onte a gravación íntegra do pleno para poder transmitir á opinión pública os feitos desde a máis escrupulosa rigorosidade, reproducindo as verbas exactas de cada quen e os tempos das intervencións que desenmascararán as mentiras do rexedor sobre quén alonga as sesións e quén provoca a crispación. O Grupo Municipal do PP ten un especial interese en transmitir ós veciños a falla de respecto coa oposición na que se converteron os plenos.
Todos somos conscientes da maioría absoluta da que goza o goberno, pero o resto de concelleiros asumimos cun altísimo grao de responsabilidade a labor que nos teñen encomendado os ribadenses nas urnas e empregamos todo o noso esforzo en estudar e traballar os asuntos que se levan aos plenos. Desde o grupo popular pretendemos do equipo de goberno tan só que se nos explique a xestión que están a facer e demostramos a nosa seriedade e responsabilidade absténdonos na votación dos orzamentos e recoñecendo na nosa intervención a súa melloría con respecto aos anteriores en canto a concreción e realismo. A postura máis doada para os nosos concelleiros tería sido unha votación en contra sen que precisara máis traballo nin xustificación que a que o propio alcalde recoñeceu en un pleno fai uns meses (“eu tamén estiven na oposición e xa sei que a súa labor é votar en contra de todo”). Pero a postura adoptada polo noso grupo foi ben distinta, fíxose un estudo exhaustivo dos orzamentos que se nos propoñen e expuxéronse no pleno as diferenzas de criterio á hora de xestionar o diñeiro dos veciños e formuláronse algunhas cuestións que non estaban suficientemente explicitadas. Esta inxente labor vese enormemente dificultada polo escaso tempo co que se nos entrega a documentación (2 días antes das comisións informativas), máxime cando a oposición debemos atender á nosa vida laboral, a diferenza do goberno que ten dúas persoas con dedicacións exclusivas e máis dun ano de tempo pois no ano 2012 non aprobaron orzamento.
O grupo popular considera que o orzamento debería ter unha vertente moito máis social, acorde co discurso do propio BNG e non concorda en que se incrementen de xeito importante partidas como medio ambiente, cultura ou parques e xardíns cando Asuntos Sociais apenas sube uns modestos 6.000 €. Expóñense, así mesmo, aspectos a corrixir como a situación enormemente deficitaria da Escola de Música, que esta posúe unha dotación económica para o persoal bastante maior que a dos servizos económicos municipais, o enorme custo que supón a limpeza das dependencias propiedade do concello que ascende a máis de 125.000 €, etc,…
Ademais de enganar aos veciños na forma en que se desenvolveu o pleno, as declaracións do alcalde nos medios sobre os orzamentos están cheas de falsidades como cando di que o estado lle vai achegar menos diñeiro ó concello cando a participación nos tributos do estado increméntase en 317.467 € ou cando se arroga en “conseguidor” de que o tempo medio de pago a provedores mellorou substancialmente e se “esquece” de que vén de recibir un préstamo do estado para este fin que sacou miles de euros en facturas dos caixóns do concello e permitiu practicamente comezar de cero a lista dos pagos pendentes. Xa estamos afeitos á memoria selectiva e á interpretación libre da realidade do Sr. Suárez e, pese a que as súas intervencións nos plenos non teñen dereito a réplica, explicarémolo nos medios de comunicación e onde sexa preciso ata que os ribadenses descubran o seu xogo de dobre moral.
Volvendo ao desenvolvemento da sesión, nós cremos que un documento coma este, que amosa en qué se vai gastar o diñeiro dos ribadenses neste ano ben merece unha análise en profundidade e a quenda de intervencións da oposición prantexouse desde a serenidade, con lexítimas discrepancias pero recoñecendo a labor feita, o difícil momento no que estamos e anunciando que o voto non ía ser negativo. A harmonía rompeuna o Alcalde interrompendo as intervencións para reprochar que estaban a ser longas e recriminando as preguntas que se estaban a formular ao concelleiro de facenda. Pero a indignación chega cando el mesmo pon fin ao debate con un longo discurso político (por suposto sen posibilidade de réplica e no que se esquece do tempo) sobre as supostas bondades dos orzamentos, cheo de severas críticas ao resto de administracións e salpicado de reproches victimistas ao PP. Esta arenga comeza con reproches polo tempo da nosa intervención e polas preguntas formuladas e remata faltándonos ao respecto coa afirmación de que a oposición non lee a documentación.
O Sr. Alcalde de Ribadeo está amosando día tras día que o seu endiosamento é tal que, sabendo que vai contar cos votos suficientes para pasar o rodillo e sacar adiante o que se propoña, pretende que os plenos sexan un mero trámite onde a oposición se limite a votar en contra do goberno e, despachado o asunto en 5 minutos, poida irse para a súa casa e saír aos medios de comunicación ó día seguinte ofrecendo a versión que mellor lle conveña do asunto. Como non estamos dispostos a que isto suceda, a súa estratexia consiste en provocar unha crispación que “vender” á opinión pública atribuíndoa principalmente ao Partido Popular. O narcisismo do Sr. Suárez non lle permite escoitar e respectar aos demais (nin tan sequera aos seus propios concelleiros aos que increpa tamén en ocasións cando se esforzan en dar explicacións á oposición) e tan só se escoita a si mesmo regodeándose nos soporíferos mítines políticos cos que pecha cada punto da orde do día.
O grupo municipal do PP de Ribadeo convida encarecidamente a tódolos veciños a que asistan aos plenos e comproben de primeira man a impotencia que supón que coarten a nosa labor política, a falta de respecto coa que se nos trata e a falsidade das crónicas dos plenos que fai o Sr. Alcalde.
Grupo Municipal do PP de Ribadeo
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
