Este sábado 9 de febreiro vai ser o Día Grande do Antroido 2013 en Xove, cun amplo programa de actividades que arrincarán as tres da tarde ata as catro e media na nave almacén do Concello, no lugar onde vai comezar o Desfile de Antroido, onde se poderán inscribir as persoas que queiran participar no Desfile e que aínda non o fixeran.
Ás catro dará comezo a actuación do Grupo Batucada “ÁXÉ” de Guntín percorrendo as rúas de Xove animando á xente a participar no Antroido e no Desfile.
Ás cinco dará comezo o Desfile que será aberto polo Grupo Batucada Áxé e a continuación desfilarán seguindo esta orde: individual nenos, individual nenas, individual adultos, parellas, grupos de 3 a 9 persoas, comparsas e grupos de 10 ou máis persoas e carrozas. O Desfile pasará pola rúa Acceso Grupo Escolar, Avenida Deputación, Rúa Doutor Baamonde Illade, Camiño Real e chegada ao Pavillón de Deportes do Centro Cívico.
Despois das seis e media e ata as oito media, despois de rematar o Desfile, no Pavillón Municipal de Deportes haberá un Baile Infantil de Disfraces coa Discoteca Móbil Blanco y Negro, con entrada libre e gratuíta. No intermedio do Baile Infantil, farase entrega dos premios do Desfile en categoría individual nenos e individual nenas, e tamén aos gañadores e gañadoras do Concurso de Caretas da Biblioteca Municipal de Xove.
A orquestra Tekila amenizará o Baile de Disfraces no Pavillón de Deportes a partir das once menos cuarto da noite con entrada libre e gratuíta. Nun intermedio do Baile, farase entrega dos premios do Desfile de Antroido.
Por último, dende o Concello invitan a tódalas persoas do noso concello e visitantes e veciños de toda a Mariña a vir e desfrutar do noso Antroido.
Recordatorio
Dende o Concello emitiron un aviso a tódolos veciños e veciñas de Xove, solicitando a súa colaboración para mellorar a seguridade no desenvolvemento do desfile de Antroido. Neste sentido, solicitouse NON APARCAR na marxe dereita da estrada (Avenida Deputación) en sentido Viveiro, dende o primeiro semáforo (cruce coa rúa Acceso Grupo Escolar, onde está a Pizzería New Burguer) ata o seguinte semáforo (cruce coa rúa Doutor Baamonde Illade, onde está o Bar A Esquina).
Con isto preténdese que tódolos participantes no Desfile, os que vaian no mesmo Desfile (en especial os nenos e nenas) e tódolos espectadores desfruten de máxima seguridade.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
