Ribadeo, 19 de marzo de 2013. Os vindeiros días 20 e 21 de marzo e 3 e 4 de abril , en horario de 17 a 20 horas, desenvolverase en Ribadeo o Curso de atención ao cliente, O camiño cara a excelencia, organizado pola Concellaría de Desenvolvemento Local e Turismo.
A edil Ana Martínez explica que “este curso enmárcase dentro dun programa de formación dirixido ao sector turístico que ten como obxecto capacitar e incidir na mellora da competitividade deste sector e adecuarse ás novas necesidades da sociedade. Mediante este curso os asistentes poderán comprender e acometer unha atención ao cliente máis profesional e personalizada, na busca da súa satisfacción e na continúa procura da fidelización deste”.
A concelleira de Desenvolvemento Local engade que “comprender de forma máis eficaz as necesidades que o cliente ten, e cubrilas da mellor maneira posible cunha atención individualizada; coñecer as regras básicas do día a día, os novos canais de comunicación, o novo perfil de consumidor e as súas demandas… así como perseguir en todo momento unha máis profesional comunicación e relación cos clientes son as bases sobre as que se asenta este curso”.
O Curso de atención ao cliente, O camiño cara a excelencia está destinado ao sector turístico (hostalería, restauración, ocio e actividades complementarias). Os interesados en asistir poden obter máis información no seguinte número de teléfono 982 128 689.
A Concellaría de Desenvolvemento Local de Ribadeo organizou un programa de formación dirixido ao sector empresarial, que se desenvolverá ao longo deste 2013. O primeiro curso tivo lugar o pasado 4 de marzo e agora vaise impartir o segundo a partires de mañá, mércores. Será na Casa da Xuventude.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.