O presidente da Deputación, José Ramón Gómez Besteiro, e o concelleiro de Servizos de Mondoñedo, Modesto Díaz García, mantiveron este mércores un encontro coa familia de Pausalido que se atopa illada dende decembro, cando as choivas provocaron derrubamentos de terra na zona, cortando os accesos viarios á súa vivenda. Logo de tres meses nos que o municipio mindoniense atendeu as necesidades destes veciños á espera dunha resposta por parte da Xunta como administración responsable das emerxencias en Galicia tal e como establece a Lei, Deputación e Concello de Mondoñedo poñen fin “ó abandono no que se atopa esta familia ante a desidia do Goberno galego”. Gómez Besteiro avanzou que a Xunta de Goberno Provincial aprobará o venres un convenio mediante o cal a Deputación habilitará unha liña de financiamento de 33.000 euros ó Concello, adiantándolle deste xeito o orzamento necesario para asumir os traballos que permitan despexar a zona. Posteriormente, o Concello deberá devolver este presuposto ó organismo provincial. Díaz García subliñou que coa colaboración da institución luguesa o municipio poderá contratar estas actuacións, consistentes na retirada do material acumulado e na construción dun muro de escolleira para evitar que esta situación se repita, para a súa inmediata execución.
Con esta liña de financiamento, o presidente cumpre coa palabra dada ó concelleiro que reclamou axuda ó organismo provincial ante a falta de recursos municipais e da resposta da administración galega coas competencias na materia. A Lei de Emerxencias de 2007 di, textualmente, que “corresponde a la Xunta de Galicia la gestión de las emergencias que superen los medios de respuesta de que disponen las entidades locales”. Esta situación fixo que, dende o 16 de decembro, tres persoas dunha mesma familia de Pausalido estivesen illados, recibindo axuda diaria por parte do Concello de Mondoñedo, que puxo á súa disposición medios persoais e técnicos. Durante estes tres meses, dúas persoas da entidade local están pendentes cada día de recoller a unha cativa, ás oito da mañá, cun tractor e un todoterreo, para levala á parada do autobús escolar máis próxima. Pola tarde, volven a recollela. Ademais, encárganse de levar á vivenda o que necesiten, dende comida ata material para atender a explotación gandeira.
“Garantir os mesmos dereitos ós veciños, vivan onde vivan”
O titular provincial subliñou que, tendo en conta que a xestión de emerxencias non é competencia das Deputacións senón da Xunta de Galicia, “a única fórmula que atopamos para poñer fin a esta situación é facer unha transferencia de cartos ó Concello, que terá que devolver en 3 anos, xa que estamos ante problema nunha vía municipal debido ás condicións climatolóxicas, que provocaron emerxencias como esta en toda Galicia. Buscar culpables non serve de nada cando o problema, neste caso unha familia incomunicada, segue aí. Hai que actuar e executar as competencias para garantir os mesmos dereitos e deberes a todos os veciños, vivan onde vivan, na Coruña ou nesta parroquia de Mondoñedo”.
Acondicionamento dun novo espazo público en Alcántara
O presidente e o concelleiro supervisaron os traballos que a Deputación iniciou hoxe mesmo en Mondoñedo, “respostando a un proxecto solicitado por Modesto Díaz”. Gómez Besteiro explicou que se trata do acondicionamento brando (ó non ser asfalto) e transitorio (xa que se empregará en determinadas ocasións) dun novo espazo público na praza de Alcántara, concretamente detrás dos xulgados, para facer fronte á presión do automóbil que sofre o centro desta localidade. O Presidente subliñou que a institución luguesa executa estes traballos coas instruccións dos técnicos municipais para respectar o casco histórico. Ademais, faino con medios propios, empregando as máquinas do Parque Móbil Provincial, optimizando os recursos do organismo lugués e aforrando cartos ás arcas municipais.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
