III Concerto benéfico Semana Santa de Viveiro

A Banda de Música Nuestra Señora de la Misericordia de Viveiro organiza o III Concerto Benéfico mañá, domingo, ás 6 da tarde na Capela das Concepcionistas. A recadación deste concerto cada ano adícase a unha entidade social, e este ano foi elixida As Fillas do Divino Celo – Rogacionistas, destinando estes fondos ao mantemento dos tres centros sociais de ámbito comarcal que sostén esta congregación. En concreto, ó Centro María Nazarena, de acollida de mulleres con fillos ao seu cargo e aos Centros San Aníbal, onde se acolle a nenos/as e adolescentes en situación de tutela, garda ou atención de día. Fillas do Divino Celo expresan o seu agradecemento á Banda Nuestra Señora de la Misericordia, así como, ao Concello de Viveiro, á Fundación ALCOA e ás nais Concepcionistas que colaboran neste acto.