Ata a vindeira semana, na pista do Móstoles, o Burela FS Pescados Rubén non volverá á competición de Primeira RFEF, ao coincidir a fase final do Campionato de España Sub-23 (San Lorenzo del Escorial, 9-10 de marzo). Tras a súa cuarta participación en liga, a porteira laranxa Patri destacou o valor dos tres puntos acadados no derbi galego co Viaxes Amarelle FSF (7-1), nun cita dominada polas laranxas sen relaxación: “Foi unha vitoria importante, ante un rival que soubemos controlar en todo momento, para manternos no pulso pola liga. A pesar da súa clasificación, afrontamos o encontro coa mentalidade axeitada e iso permitiunos facernos cos tres puntos”.
“Xogamos coa concentración habitual, sen menosprezar o rival” puntualizou a meta coruñesa, que incidiu na fidelidade ao estilo laranxa como a clave do éxito para seguir no liderado: “Temos partidos máis brillante ca outros, pero sempre xogamos coa idea de impoñer o noso estilo. Ante o Amarelle cumprimos coa nosa obriga de gañar e aínda que ao descanso a vantaxe (0-2) non era definitiva despois sentenciamos con solvencia”, analizou Patri.
Galicia Sub-23 en Vista Alegre. Con rumbo á final do Campionato de España de Seleccións Territoriais Sub-23, Galicia fará unha paradiña mañá en Burela para compartir pista co equipo laranxa (Vista Alegre); a partir das 19.30 horas, ambas as escuadras disputarán un amigable aberto ao público. A selección irmandiña, con Lidia Mesías e Lara Balseiro xa nas súas filas, partirá cara a San Lorenzo del Escorial o venres pola mañá dende A Mariña. Pelexará polo título con Madrid, nas semifinais (sábado 9, 12.00 horas), no pavillón Zaburdón; antes tamén se disputarán praza para a gran cita Castela A Mancha e Valencia (10.00). A final está prevista para o domingo 10, ás 11.00 horas.
Tamén terán compromisoso co combinado galego durante esta fin de semana Paula Cortiñas, con Sub-17 (sábado 9, O Milladoiro, 17.00 horas) e Noé Cabana, reclamado para participar na concentración de Galicia Infantil en Sada, entre o venres e o sábado.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
