Os xogadores mariñáns do padel Ego perderon esta fin de semana nun duelo crucial contra o Club del Campo Ferrol. Os mariñáns non se adaptaron de todo ben ás instalacións do club ferrolán e perderon por un global de 3-2.
Os puntos mariñáns foron conseguidos polas parellas formadas por Marcos/Jesús Timiraos e Suso/Diego Rey. A eliminatoria estivo marcada pola lesión de Fran, xogador do Padel Ego, cando o resultado era de 2-2 e un set arriba para os mariñáns. Esta situación foi clave para o resultado final da eliminatoria.
A pesar desta derrota o padel Ego segue segundo de grupo e con moitas opcións de clasificarse para o play-off de ascenso.
Na 5ª categoría o padel Ego B vence ao Sporting Club Casino na Coruña
O filial do Ego demostrou o seu gran estado de forma vencendo por un resultado de 2-3 aos coruñeses na súa cancha, vitoria que fai que os mariñáns escalen cara a tercera posición da táboa.
As victorias mariñás foron conseguidas por Varela/Pino, Mario/Miguel e Carlos Jorge/Quelle. Con esta vitoria o equipo acaba cunha actuación máis que meritoria a fase regular do campionato.
O equipo vivariense espera agora rival para clasificarse na mellor posición posible a nivel autonómico e eludir así o descenso a 6ª categoría.
Próximos encontros
O padel Ego (2ª categoría) enfróntase o domingo ás 11:00 ao Padelmar nas instalacións do hotel Ego nun encuentro moi importante para manter a 2ª praza da táboa. E o padel Ego B (5ª categoría) descansa esta fin de semana e parte como cabeza de no cuadro de eliminatorias pola permanencia.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
