• O PP local explica que esta actitude provocou malestar noutros establecementos e asociacións que tamén poden informar aos seus clientes sobre a actividade nesta cavidade
• Os populares critican estes plantexamentos aos que cualifican de “moi curtos de mira” e que polo tanto non optimizan a rendibilización da oferta turística local
• Asemade, dende o PP instan ao equipo de goberno a que escoite ás entidades representativas do sector e esíxenlles que deixen de actuar de “espalda” aos colectivos que contribúen a dinamización da localidade
Mondoñedo, 17 de abril de 2013- En relación a carta remitida soamente a hostaleiros por parte do alcalde de Mondoñedo, Orlando González, para que visiten a cova do Rei Cintolo; os populares lamentan o desatino do equipo de goberno ao deixar esquecidos e non convidar a outros entes, empresas ou asociacións, como ACIAM (Asociación de Comerciantes, Industriais e Autónomos de Mondoñedo), que tamén contribúen a promoción do turismo local.
O Partido Popular explica que esta actitude provocou malestar noutros establecementos e asociacións, que tras a visita “tamén poden informar aos seus clientes ao respecto e suxerirlles que coñezan a cavidade”.
Os populares critican estes plantexamentos, aos que cualifican de “moi curtos de mira”, e que polo tanto non procuran a máxima optimación dos recursos e medios existentes para rendibilizar a oferta turística local.
Ante esta situación, dende o PP local instan ao equipo de goberno a escoitar as entidades representativas do sector, ao tempo que lle esixen a Orlando González que deixe de actuar de “espalda” aos colectivos que contribúen á dinamización da localidade.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
