A Mariña, 13 de maio de 2013. O Consello Comarcal do Bloque Nacionalista Galego (BNG) reuniuse, esta tarde, en Foz, para acordar as accións informativas que a formación levará a cabo por toda A Mariña no marco da campaña ‘Non é unha crise, é un roubo’ que, segundo explicou Ana Ermida, responsábel comarcal, ten como obxectivo “informar e mobilizar ao pobo fronte ás políticas de desgoberno do Partido Popular que están a provocar cada vez máis pobreza e sumindo aos sectores produtivos nunha crise sen precedentes”.
No marco desta campaña están previstos actos informativos, mesas redondas e accións de protesta para incentivar o contacto social da organización e denunciar a destrución do tecido produtivo propio, a desfeita das ferramentas financeiras do país, o roubo aos aforradores, o desmantelamento dos servizos públicos e a destrución de emprego na comarca.
A primeira acción terá lugar mañá, martes 14 de maio, ás 11:30 horas, no Mercado de Foz, onde unha delegación de membros do Bloque repartirá material informativo e explicará aos mariñáns como as políticas de austeridade fan que a comarca acade cifras históricas de paro, os principais sectores produtivos estean entrando nunha espiral de crise difícil de superar e se estean a desmantelar os servizos públicos.
Desde a formación nacionalista insisten na importancia de que o pobo amose o seu descontento e rexeitamento ás medidas que se están adoptando desde o Goberno do Estado e a Xunta de Galiza. “Saír á rúa – insistiu Ermida- converteuse no único xeito de ser escoitados e de que os dirixentes populares muden as súas políticas. As mobilizacións da pasada semana en contra da LOMCE fixeron ao Goberno adiar a reforma, e temos que seguir na mesma liña para evitar que lapiden os nosos dereitos”.
“O pobo ten que dar unha resposta social unificada ás políticas crueis do Partido Popular. É preciso articular unha rebelión organizada contra todos os gobernos que aproban seguir afundindo ao pobo para salvar á banca. A maioría social deste país está a sufrir un roubo mentres o poder financeiro incrementa as súas ganancias” – concluíu a responsábel comarcal do Bloque Nacionalista Galego.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
