A Mariña, 21 de xuño de 2013. O Bloque Nacionalista Galego (BNG) presentará no Parlamento galego unha iniciativa na que instará á Xunta a aclarar as informacións aparecidas nalgúns medios de comunicación dos últimos días e nas que se fai referencia á desaparición de bebés en centros hospitalarios da provincia de Lugo. A coñecida como Operación Bebé ou Operación Chupete ou tamén Operación Cuna, que está a ser investigada polo Xulgado de Instrución número 2 de Lugo, podería afectar a máis dunha docena de adopcións irregulares que se poderían ter realizado nos últimos dez anos na provincia.
Ana Ermida, responsábel da formación nacionalista na Mariña, asegura que “ante este tráxico escándalo que está a provocar alarma social, especialmente na comarca da Mariña onde se podería haber dado un dos casos, en concreto no Hospital da Costa, en Burela, en febreiro de 2011 e cuxa nai a día de hoxe trata de recuperar á súa filla sobre a que un xulgado de Pontevedra xestiona a súa adopción, o Goberno galego debe saír de xeito inmediato a dar explicacións sobre o acontecido e informar se os xulgados de Lugo lle informaron sobre este asunto.”
“É preciso -continuou Ermida- que tanto desde o Servizo Galego de Saúde, dependente da Consellería de Sanidade, como desde a Consellería de Traballo e Benestar encargada das adopcións, se pronuncien e aclaren se é certo ou non que desde o Servizo de Menores da Xunta de Galiza en Lugo se retiraron nenas en nenas para dar en adopción basándose en informes que non existían ou cun contido subxectivo elaborado polos propios interesados ou mesmo encargados a unha orde de monxas das Hermanas Terciarias Franciscanas do Rebaño de María que rexenta na cidade de Lugo o Hogar Madre Encarnación, e baixo ameaza ás nais e sen contar cos pais.”
Desde o Bloque Nacionalista Galego urxen ás conselleiras de Sandiade, Rocío Mosquera, e Traballo e Benestar, Beatriz Mato, así como ao propio presidente da Xunta, Alberto Núñez Feijóo, a abrir unha investigación interna para aclara esta presunta trama de adopcións irregulares ao marxe da que xa se está facendo por vía xudicial.
“Estamos ante un caso dramático no que xa en 2010 a xuíza, nas dilixencias previas, referíase a ‘graves irregularidades’ que ‘poderían chegar a ser consideradas como “presuntos delitos de falsidade documental e incluso prevaricación por parte de funcionarios públicos” – puntualizou a responsábel do BNG na Mariña quen aclarou que “a maioría das as nais afectadas non teñen estudos, nin familia nin recursos e eran inmigrantes recén chegadas e desorientadas que descoñecían que tiñan dereito a defenderse de xeito gratuíto.”
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
